پنڈ دادنخان۔14فروری (اے پی پی):وفاقی وزیر اطلاعات و نشریات چوہدری فواد حسین آکھیے جو جنہاں لوکاں دی وجہ توں پاکستان دی معیشت دا ٻیڑا غرق تھئے ، ملک انہاں دے حوالے نال نی کیتا ونڄ سڳدا ، عوام ایں ویلھے تئیں نواز شریف اینڈ کمپنی کوں معاف نہ کریسوں ، جݙاں تئیں او قوم دا لٹیا ہویا پیسہ واپس نی کریندے ، اپوزیشن دا اپݨا کوئی قد کائنی ، بلاول کوں پتہ اے جو او جہلم اتے پنڈی توں کجھ سو بندے وی کٹھے نی کرسڳدے ایں کیتے ا?? فضل ال??حم??ن دے مونڈھے تے چڑھ تے مدرسے دے ٻالاں دے ٻل بوتے تے سیاست کر یندے پئن، بلاول کوں آکھداں جو او زرداری دی سیاست نہ کرن ، او بے نظیر بھٹو تے آپݨے نانا دی سیاست کرن۔ اے ڳال انہاں ھک تقریب اچ شہباز شریف اتے مولانا فضل ال??حم??ن دیاں ملاقاتاں سودھے اہم سیاسی امور تے ڳال مہاڑ کریندے ہوئیں آکھی اے ۔ وفاقی وزیر اطلاعات آکھیے جو مولانا فضل ال??حم??ن اتے شہباز شریف جاہ جاہ بھٹکدے ودن کہاوت اے “قربان ونڄا اوں تھاݨیدار تے جیں ما دی یاد ݙیوا ݙتی”، قربان ونڄاں عمران کان تے جیں اڄ انہاں سارے چوراں کوں کٹھا کرݙتے ، اساں پہلے ݙینھ توں آکھدے پئ?? ہاسے جو اے سارے چور کٹھے ہن تے اڄ اساں ساریں ݙیکھ وی ڳھدے ۔ وفاقی وزیر اطلاعات آکھیے جو نواز شریف اتے انہاں دے پتر کئی سالاں توں لندن اچ ٻیٹھن ، انہاں دے اپارٹمنٹس، بلڈنگز اتے گاݙیاں ساریں دے سامݨے ہن ، آخر انہاں دا خرچہ کون چیندا پئے ؟، انہاں آکھیے جو ساݙا نواز شریف نال ذاتی جھیڑا کائنی ، اساں صاف ستھری ڳال کریندوں جو قوم دا لٹیا پیسہ قوم کوں واپس ݙتا ونڄے انہاں آکھیے جو اے او پیسہ اے جیڑھا جو پاکستان دے عوام توں چوری کیتا ڳئے ۔ انہاں ݙسایا جو گزریل ݙینھاں ھک ٹی وی پروگرام اچ آکھیا ویندا پیا ہئی جو مہانگ ٻہوں تھی ڳئی اے میں آکھیے جنہاں دی وجہ توں مہانگ تھئی اے کیا پاکستان انہوں واپس کروں ؟۔ انہاں آکھیے جنہاں لوکاں دی وجہ توں پاکستان دی معیشت دا ٻیڑہ غرب تھئے اساݙی چیل بھنی ملک انہاں دے حوالے کیویں کیتا ونڄ سڳدے ۔
ملک معیشت دا ٻیڑا غرق کرݨ آلیں دے حوالے نی کیتا ونڄ سڳدا ، عوام قوم دا لٹیاپیسہ واپس کرݨ تئیں نواز شریف اینڈ کمپنی کوں معاف نہ کریسن ، وفاقی وزیر اطلاعات چوہدری فواد حسین
مضمون کا ماخذ : کنگ کانگ روش
متعلقہ مضامین
