اسلام آباد۔10دسمبر (اے پی پی) سول جج جوڈیشل مجسٹریٹ اسلام آباد احمد شہزاد گوندل قومی خبر رساں ادارے (اے پی پی) اچ جعلی بھرتیاں کیس ، عدالت ارشد مجید چوہدری سودھے 5 ملزماں ک??ں ݙو ݙینھ دے جسمانی ریمانڈ تے ایف آئی اے دے حوالے کر ݙتا۔ منگل کوں قومی تحقیقاتی ادارے (ایف آئی اے ) اے پی پی دے سابق منیجر اکائونٹس ارشد مجید، انہاں دے پتر تیمور ارشد،سعدیوسف، قیصر جواد اتے فواد خان کوں عدالت اچ پی?? کیتا۔ پرچہ ریمانڈ اچ ایف آئی اے استدعا کیتی جو ملزماں توں ٻئی تفتیش، ریکارڈ اتے رقم دی برآمدگی کیتے ست ݙینھ دا جسمانی ریمانڈ چاہیدے۔ ایف آئی اے دے سب انسپکٹر احتشام گوندل عدالت ک??ں ݙسیا جو سابق منیجر اکائونٹس ارشد مجید 18 ملازماں کوں تنخواہ جاری کرݨ دے دستخط کیتے جیڑھا جو غیر قانونی کم اے جڈانجو عثمان یونس بطور آڈٹ انچارج ایں فراڈ اتے دھوکہ دہی اچ ملوث اے۔ ملزماں توں دستاویزات دی برآمدتی اتے اے پی پی توں ڳھنݨ آلی تنخواہ دی مد اچ وصول کرݨ آلی رقم برآمد کرݨ کیتے ملزماں دا ست ݙینھ دا جسمانی ریماڈ ݙتا ونڄے۔ تفتیشی افسر احتشام گوندل آکھیا جو اساݙی تفتیش دے مطابق انہاں تعیناتیاں دا نہ ادارے نوٹیفیکیشن کیتے، نہ ایچ آر ڈیپارٹمنٹ اچ انہاں دا ریکارڈ اے اتے نہ میڈیکل رپورٹ ادارےکوں پی?? کیتی ڳئی اے۔ اے بھرتیاں ادارے دے سربراہ دے جعلی دستخطاں نال کیتی ڳئن۔ تفتیشی افسر عدالت ک??ں ݙسیا جو قومی خبر رساں ادارے اے پی پی دے منیجنگ ڈائریکٹر اتے منیجر ایچ آر توں وی تحقیقات کیتن جئیں توں ثابت تھیے جو اے تعیناتیاں انہاں دی منظوری نال نہ تھئی۔ سابق منیجر اکائونٹس ارشد مجید چوہدری دا پتر تیمور ارشد وی فیدے ڳھنݨ آلیاں اچ شامل اے۔ ایں مقدمے بارے سارا ریکارڈ ارشد مجید کول اے۔ ایندا وی جسمانی ریمانڈ ضروری اے۔ اے پی پی دے لیگل ایڈوائزر خرم بیگ عدالت ک??ں ݙسیا جو ملزماں جعلی کاغذات ٻݨوا تے جعلی دستخطاں نال تعیناتیاں کیتن اتے سابق منیجر اکائونٹس ارشد مجید انہاں کوں تنخواہیں جاری کیتن۔ دوران سماعت فاضل جج احمد شہزاد گوندل ایف آئی اے توں پچھیا جو ایں کیس اچ تقرری کرݨ آلے حکام توں وی تحقیقات کیتی ڳئن تاں اوندے ولدے اچ انسپکٹر ایف آئی اے عدالت ک??ں ݙسیا جو ایم ڈی اے پی پی سودھے منیجر ایچ آر توں وی ایں معاملے تے انویسٹی گیشن کیتی ڳئی اے جئیں توں ثابت تھیے جو بھریاں غیر قانونی دستاویزات ٻݨا تے کیتی ڳئن۔ فاضل جج حکم ݙتا جو ملزماں دے خلاف کیتی ڳئی محکمانہ انکوائری دی رپورٹ وی عدالت اچ پی?? کیتی ونڄے۔ دوران سماعت ارشد مجید اتے تیمور ارشد ولوں عامر عباس ملک ، ملزم سعد یوسف ولوں راشد عمر اولکھ عدالت اچ پی?? تھیے اتے جسمانی ریمانڈ دی مخالفت کیتی۔ عدالت فریقین دے دلائل پورے تھیوݨ تے پنڄائیں ملزماں ک??ں ݙو ݙینھ دے جسمانی ریمانڈ تے ایف آئی اے دے حوالے کر ݙتے۔ واضح رہے جو گزریل ݙینھ ایف آئی اے سپیشل جج سنٹرل ہمایوں دلاور دی عدالت توں ملزمان دی عبوری ضمانتاں مسترد تھیوݨ تے کمرہ عدالت دے ٻاہر توں ملزماں کوں پکڑ ڳھداہئی۔ ایف آئی اے قومی خبر رساں ادارے اے پی پی اچ جعلی بھرتیاں دے کیس اچ ملزمان ت?? ایف آئی آر درج کر تے تحقیقات شروع کیتی ہئی۔
اے پی پی جعلی بھرتیاں کیس ، عدالت ارشد مجید چوہدری سودھے 5 ملزماں کوں ݙو ݙینھ دے جسمانی ریمانڈ تے ایف آئی اے دے حوالے کر ݙتا
مضمون کا ماخذ : números quina hoje
متعلقہ مضامین
