اسلام آباد۔6ستمبر(اے پی پی) صدر مملکت آصف علی زرداری آکھیے یوم دفاع و شہدا ءدے موقع تے اساں ٻاہرلی جارحیت دے خلاف ملک دا دفاع کرݨ تے عظیم قربانیاں پیش کرݨ آلے غازیاں اتے شہدا ءکوں خراج عقیدت پیش کریندن ، اے ݙینھ اساکوں آپݨی خودمختاری دے دفاع دے پاسے غیر متزلزل قومی عزم دی یاد ݙویندے، میں ایں سرزمین دے انھاں بہادر سپوتاں کو?? خراج عقیدت پیش کرینداں جنھاں پاکستان کو?? ضیان پڄاوݨ دا دشمن دا خواب ونڄا ݙتے ۔ یوم دفاع و شہداء 06 ستمبر 2024 دے موقع تے آپݨ?? سنھیے اچ صدر مملکت آصف علی زرداری آکھیے ساݙی مسلح افواج قومی خودمختاری اتے ملکی سالمیت کو?? پیش آندے کہیں وی چیلنج دا جواب ݙیوݨ سانڳے تکڑی تے ہر ویلھے تیار اے ساݙی افواج مناسب دفاعی سازوسامان توں لیس اے، مطلوبہ پیشہ ورانہ مہارت دی حامل اتے ملک کو?? سارے چیلنجاں توں بچاوݨ سانڳے پرعزم ہن، اساں خطے اچ امن و استحکام اتے سارے پڑوسیاں نال پرامن طریقے نال رہݨ چاہندوں تاں جو کشمیری عوام دی حالت زار دا ازالہ کرتے ہی خطے اچ دیر تئیں امن ممکن بݨایا ونڄ سڳدے ، برصغیر دی نامکمل ونڈ پاروں کشمیری عوام کو?? بھارتی مسلح افواج دے ہتھوں غیر قانونی تسلط اتے دہشت گردی دا سامݨا اے، غیر قانونی طور تے بھارتی زیرِ تسلط جموں و کشمیر دی خود مختار حیثیت دی منسوخی ایں مسئلے کو?? مزید اوکھا بݨا ݙتے ، بھارت کشمیری عوام دے حق خودارادیت متعلق سلامتی کونسل دی قرارداداں تے عمل درآم?? کرے۔ انہاں آکھیے اڄ پاکستان کو?? خطرے تے سکیورٹی چیلنجز دا سامݨا اے ، پاکستان اچ دہشت گردی دیاں کارروائیاں کراوݨ سانڳے دشمن ملک پاکستان مخالف عناصر دی حمایت کرتے ملک کو?? ضیان پڄاوݨ تے تلے کھڑن ، انھاں چیلنجز پاروں ساݙی مسلح افواج اتے قانون نافذ کرݨ آلے ادارے دہشت گردوں مکاوݨ سانڳے پوری طرح تیار ہن، اساں دہشت گردی دی لعنت منڈھوں مکاوݨ سانڳے آپݨی سکیورٹی فورسز دے رلے ہیسے۔ انہاں آکھیے اڄ دے ݙینھ اساں آپݨے بہادر پتراں دے عزم، استقلال تے جذبہ حب الوطنی دی یاد منیندوں ، اڄ اساں دفاع وطن دے مقدس فریض?? دی تکمیل اچ مسلح افواج نال آپݨی غیر متزلزل حمایت دا عہ?? کریندوں ، اللہ تعالیٰ پاکستان دی حفاظت فرماوے تے اساکوں امن تے خوشحالی دے رستے تے ٹورے
