اسلام آباد۔11فروری (اے پی پی):سرکاری ملازمین دیاں تنخواہیں اچ ودھارے کیتے قائم ??یتی ڳئی مذاکراتی کمیٹی اعلان کیتے جو گریڈ ھک توں 19 تئیں دے وفاقی ملازمین کوں 25 فیصد ایڈہاک ریلیف ݙتا ویسی ۔ جون اچ پیش کیتے ونڄݨ آلے بجٹ اچ ضم کر ݙتا ویسی ، سارے مع??ملات بہتر طریقے نال طے تھی ڳئن ، احتجاج اڄ ہی مک ویسی ، گرفتار کیتے ونڄݨ آلے سارے ملازمین کوں چھوڑ تے ایف آئی آرز واپس ڳھدی ویسی ۔ اے ڳالھ خمیس کوں وفاقی ملازمین نال مذاکرات کرݨ آلی حکومتی کمیٹی اچ شامل وفاقی وزیراں سرکاری ملازمین دے نمائندیں دے رلے سانجھی پریس کانفرنس کریندے ہوئیں آکھی اے حکومتی کمیٹی اچ وفاقی وزیر دفاع پرویز خٹک، وزیر داخلہ شیخ ??شید احمد اتے وزیر مملکت پارلیمانی امورعلی محمد خان شامل ہن۔ وزیر داخلہ شیخ ??شید احمد آکھیے جو احتجاج کرݨ آلے ملازماں نال مع??ملات تھی ڳئن ، سرکاری ملازمین د?? ہڑتال ختم تھی ویسی تے اے گھر واپس چلیے ویسن ۔ وزیر داخلہ آکھیے جو انہاں فیصلیں دی منظوری وزیراعظم توں خود ونڄ تے ڳھدی اے ، گریڈ 20، 21 اتے 22 دیاں تنخواہیں دا فیصلہ بجٹ اچ کیتا ویسی ،پولیس اتے سکیورٹی اہلکاراں دیاں تنخواہیں اچ وی ودھارا بجٹ اچ کیتا ویسی ۔ انہاں آکھیے جو وزیر خزانہ ڈاکٹر عبدالحفیظ شیخ ??تے سیکرٹری خزانہ انہاں فیصلیں تے عمل درآمد کرویسن ۔ وزیر دفاع پرویز خٹک آکھیے جو تقریبا ہک سال توں وفاقی ملازمین دیاں تنخواہیںد ا مسئلہ ہئی ، اساݙا فیصلہ اے جو 25 فیصد ایڈہاک ریلیف ݙیسوں ،صوبائی ملازمین دا مسئلہ حل کرݨ دی ہدایت وی کیتی اے ، اپ گریڈیشن دا فیصلہ وی کرڳھدے جیں تے جون دے بعد عمل تھیسی۔ انہاں آکھیے جو ایڈہاک ریلیف جون اچ آوݨ آلے بجٹ اچ ضم کر ݙتا ویسی ، خیبرپختونخوا دے ملازمین کیتے ٹائم سکیل منظور تھی ڳئے باقی صوبے وی عمل کریسن ، طریقہ کار دے مطابق ترقیاں تھیسن تے کم کرݨ آلیں کوں اڳوں گھن آیا ویسی ۔ انہاں آکھیے جو پنجاب اتے خیبرپختونخوا دے ہیلتھ ورکرز دے مسئلے وی وختی حل کریسوں ۔ انہاں آکھیے جو احتجاج کرݨ آلی ساری فیڈریشنز دا شکریہ ادا کرینداں ، گزریل ݙینھ جیڑھا کجھ تھئے ایندے تے مع??رت کریندوں ، اساں آکھیا ہئی جو اساں کوشش کریندے پیوں جو تساڈا مسئلہ حل تھی ونڄے ۔ وزیر مملکت پارلیمانی امور علی محمد خان آکھیے جو وفاقی ملازمین دے مسئلیں دے حل کیتے وزیراعظم ذاتی دلچسپی ڳھدی تے ملازمین صبر توں کم ڳھدے ۔ہک سوال دے ولدے اچ وزیر داخلہ شیخ ??شید احمد آکھیے جو تحریک لبیک دے نال ڳالھ مہاڑ تھیندی پئی اے وختی خوشخبری سݨݨ کوں ??لس?? ۔
