پانڑیں دے تحفظ کوں یقینی بنڑاونڑ موجودہ حکومت دی پہلی ترجیح اے ، ڈیماں دی تعمیر نال زرعی ضرورتاں کیتے پانڑیں دی دستیابی دے نال نال سستی بجلی دے حصول اچ مدد مل ویسی
اسلام آباد ۔ 11 مئی (اے پی پی) وزیراعظم عمران خان آکھیے جو پانڑیں دے تحفظ کوں یقینی بنڑاونڑ موجودہ حکومت دی پہلی ترجیح اے، ڈیماں دی تعمیرنال زرعی ضرورتاں کیتے پانڑیں دی دستیابی دے نال نال سستی بجلی دے حصول اچ مدد مل ویسی ۔ دیامر بھاشا ڈیم دا تعمیراتی کم وختی شروع کیتا ونجے، تعمیراتی کم اچ مقامی سامان اتے افرادی قوت کوں ترجیح ڈتی ویسی ایندے نال لوکاں کوں روزگار دے وڈے پیمانے تے موقع ملسن تے تعمیراتی شعبہ اتے بئے متعلقہ صنعتاں ترقی کریسن ۔ سندھ بیراج دی تعمیر نال سمندری پانڑیں توں زمین دے کٹاﺅ کوں روکنڑ تے زرعی ضرورتاں پوریاں تھیسن ۔ تعمیراتی کم دے معیار اتے وختی تکمیل کوں یقینی بنڑاونڑاں چاہیدے ۔اے گال انہاں ملک اچ زرعی اتے توانائی دیاں ضرورتاں پوریاں کرنڑ کیتے پانڑیں دے قومی تحفظ دی پالیسی اتے ڈیماں دی تعمیرمتعلق ہک اجلاس دی صدارت کریندے ہوئیں آکھی ۔ اجلاس اچ وفاقی وزیر آبی وسائل فیصل واوڈا، وفاقی وزیر منصوبہ بندی و ترقی اسد عمر، وفاقی وزیر اطلاعات و نشریات شبلی فراز، وفاقی وزیر امور کشمیر و گلگت بلتستان علی امین گنڈا پور، وزیراعظم دے معاون خصوصی اطلاعات لیفٹیننٹ جنرل (ر) عاصم سلیم باجوہ، چیئرمین واپڈا لیفٹیننٹ جنرل (ر) مزمل حسین اتے بئے اعلیٰ افسراں شرکت کیتی ۔وزیراعظم کوں دیامر بھاشا ڈیم دی تعمیر متعلق سارے زیر التواءامور دے حل دی پیشرفت بارے تفصیل بارے ڈسایا گیا ۔
وزیراعظم عمران خان دا پانڑیں دے قومی تحفظ دی پالیسی اتے ڈیماں دی تعمیر متعلق اجلاس اچ اظہار خیال
مضمون کا ماخذ : راکی
متعلقہ مضامین
.jpg)
