لاہور۔17 دسمبر(اے پی پی )صوبائی دارالحکومت لاہور اتے ایندے نیڑے علاقیں موہلنوال، مراکہ، مانگا منڈی پھول نگر، جمبر اتے پتوکی دے نیڑے بئے شہراں اچ منگل کوں ودھ ساری کوہیڑ پئی ۔ترجمان موٹر وے پولیس سید عمران احمد ڈسائے جو قومی شاہراہ تے رینالہ ،اوکاڑہ،ساہیوال، چیچہ وطنی،میاں چنوں،خانیوال ،ملتان،بستی ملوک،لودھراں،بہاولپور دے علاقیں اچ کوہیڑ پئی جیں نال ٹریفک دی آونج اچ اوکھ تھئی جڈاں جو کہیں وی ممکنہ حادثے پاروں موٹر وے پولیس قومی شاہراہ تے گاڈیاں دی آمدو رفت دا جائزہ گھندی رہی تے روڈ یوزرز کوں اہم ہدایات وی ڈتیاں۔صوبائی دارالحکومت لاہور سمیت مسافر خانہ،احمد پور شرقیہ ،ترنڈہ محمد پناہ تے ظاہر پیر اچ ودھ ساری کوہیڑ پئی ۔ موٹر وے حکام ولوں ودھ ساری کوہیڑ پاروں مختلف جہیں تے موٹر وے کوں بند کرڈتا گیا ،کوہیڑ پاروں پروازاں دا شیڈول وی متاثر تھئے ، کوہیڑ نال سڑکاں تے گاڈیاں دیاں لمبیاں قطاراں لگ گیاں جڈں جو پنجاب دے وسطی تے جنوبی علاقے ودھ ساری کوہیڑ دی وکیڑ اچ رہیے ۔ترجمان موٹر وے عمران احمد ڈسائے جو آئی جی موٹر وے دی طرفوں ہدایت کیتی گی اے جو ڈرائیونگ کرنڑآلے لوک فوگ لائٹس دا استعمال لا زمی کرن تے محتاط طریقے نال ڈرائیونگ کرن، سفر تے نکلنڑ توں پہلے ہیلپ لائن 130 نال رابطہ کرنڑ دی ہدایت کیتی گی اے تاں جو موسم بارے آگاہی ڈتی ونج سگے ۔
پنجاب دے مختلف شہراں اچ کوہیڑ پاروں حد نگاہ صفر توں 50میٹر رہی ،ترجمان موٹر وے پولیس
مضمون کا ماخذ : اولمپس کا عروج
متعلقہ مضامین
.jpg)
