اسلام آباد ۔ 2 اکتوبر (اے پی پی) وفاقی وزیر برائے مواصلات مراد سعید آکھیے جو بھاویں کجھ وی تھی ونجے،،اپوزیشن کوں این آر اونہ ملسی، احتساب چلدا راہسی،اج او دور نئیں رہیہا جڈاں حکمران بیرون ملک ٹبر نال جہاز بھر تے ملک و قوم دا مال لٹاونڑ نکل ویندے ہن،وزیراعظم عمران خان اپنڑے دورہ امریکا اچ سادگی دی مثال قائم کیتی اے،مولانا فضل الرحمان اسلام آباداپنڑی کرپشن بچاونر آندے پین۔ اے گالھ وفاقی وزیر مراد سعیدپارلیمنٹ ہاو ¿س دے باہرو میڈیانال الویندے آکھی۔ انہاں آکھیا جڈاں نوازشریف اوبامہ نال الویندے ہوئے کھیسے اچوں پرچیاں کڈھیندے بیٹھے راہندے ہن بھل وزیر اعظم عمران خان امریکہ گین تاں دین دا مقدمہ جگ دے اگو آئے،او کشمیر دے سفیر بنڑین ،جگ کوں ڈسائے جوتوہین رسالت نال مسلماناں کوں تکلیف تھیندی اے۔ انہاں آکھیے جو اگین حکمران ناموس رسالت تے چپ رہین،دہشتگردی ماریے لوکاں دادرد دساونڑ دی بجائے اپنرے تعلقات بنڑیندے رہین،کشمیری مردے رہین بھل اے بھارت، مودی اتے جندال نال ذاتی تعلقات تے اکڑیندے رہین بھل ہک غیرت مند حکمران عمران خان دا امریکا اچ مسلماناں ہی نئیں ہر طبقہ فکر دے لوکاں شاندار استقبال کیتے اتے انہاں کوں سفیر کشمیر ہی نئیں مسلم امہ دا وی محافظ قرار ڈتے۔انہاں آکھیے جو اج ملک اچ کرپشن ،لٹ مار دا بزار مکدا پئے، احتساب دازور اے،مولانا فضل الرحٰمن دا کھیسا خالی تھیندا ویندے جیکوں بھرنڑ کیتے او اسلام دے ناں تے اسلام آباد تے چڑھائی کرنڑآندے پین بھل انہاں دی گیم مک ستی اے۔
وزیراعظم بھارت دامکروہ چہرہ جگ اچ بے نقاب کر ڈتے،اپوزیشن کوں این آر اونہ ملسی، احتساب چلدا راہسی،وفاقی وزیر برائے مواصلات مراد سعیددی میڈیانال گالھ مہاڑ
مضمون کا ماخذ : لوٹیریا وفاقی
متعلقہ مضامین
.jpg)
