بھوربن۔ 21 ستمبر (اے پی پی) صدر مملکت ڈاکٹر عارف علوی ڈاکٹراں کوں آکھیے جو او مریضاں نال شفقت و ہمدردی کرن،معالج ہوونڑ سانگے بیماریاں روکنڑاتے صحت اقدامات تے توجہ ڈیون۔ اے گالھ انہاں بھوربن اچ ستویں انٹرنیشنل آرتھوڈینٹک کانفرنس نال خطاب اچ آکھی جیہڑی پاکستان ایسوسی ایشن آف آرتھو ڈینٹسٹس(پی اے او)کرائی اے۔کانفرنس دے شرکا ایں شعبے خاص کر مصنوعی ذہانت اچ نویں رجحانات اتے طریقاں تے الوائے۔صدر مملکت آکھیے جو علاج معالجہ بیماریاں روکنڑ اتے احتیاطی تدابیرتوں مہانگا پوندے،ایندے کیتے عوامی آگاہی اتے متعلقہ فریقین نال ساجھے داری دی لوڑھ اے، مصنوعی ذہانت تشخیصی صلاحیتاں ودھائن جیندے نال ڈاکٹراں دے معالجانہ کردار دی اہمیت وی ودھ گئی اے جڈاں جو دندان سازی دی تعلیم دا معیاروی چنگاں تھئے،ڈاکٹر لوکاں کوں بیماریاں توں بچاونڑ کیتے عوام اچ ااگاہی ڈیون، ایندے نال دندان ساز وی مطمئن تھیسن اتے آندیاں نسلاں اچ وی مثبت اتے عوامی خدمت دی عادت تھیسی۔ایں موقع تے پی اے او دے صدر، صدر مملکت کون شیلڈ پیش کیتی اتے صدر مملکت ملکی اتے غیر ملکی مندوبین کوں ایورڈزڈتن۔
ڈاکٹرز مریضاں نال شفقت و ہمدردی کرن،معالج ہوونڑ سانگے بیماریاں روکنڑاتے صحت اقدامات تے توجہ ڈیون،صدر مملکت ڈاکٹر عارف علوی دا ستویں انٹرنیشنل آرتھوڈینٹک کانفرنس نال خطاب
مضمون کا ماخذ : لاٹری کے لائیو نتائج
متعلقہ مضامین
.jpg)
