لاہور۔19 اگست(اے پی پی )وزیراعلیٰ پنجاب سردار عثمان بزدار دی زیر صدارت لہور اچ اجلاس تھیا۔اجلاس اچ شہری اتے دیہاتی آبادی کو ں بنیادی سہولتاں ڈیونڑدے پروگرام دا جائزہ گھدا گیا۔ جڈاں جو عالمی بینک اتے ایشین ڈویلپمنٹ بینک دی سانجھداری نال مکمل تھیونڑ آلے پراجیکٹس تے پیش رفت اتے مستقبل دے منصویں تے غورکےتاگےا۔اجلاس توں خطاب کریندے ہوئیں وزیراعلی آکھیا جو پروگرام تحت تلویں سطح تئیں بنیادی سہولتاں دی فراہمی یقینی بنڑائی ویسی۔ شہراں اتے دےہاتاں اچ صفائی دے نظام ،پیونڑ دا صاف پانڑیں ڈیونڑ اتے سیوریج سسٹم کوں چنگا کےتا ویسی۔غیرفعال واٹر سپلائی سکیماں اتے غیر فعال سیوریج سکیماں دی بحالی کیتے فنڈرکھے ویسن۔وزیراعلیٰ کوں بریفننگ اچ ڈسایا گیا جو واٹر سپلائی ،سیوریج ،سالڈ ویسٹ مینجمنٹ اتے عوامی سہولتاں دے بئے منصوبے مکمل کیتے ویسن۔صوبائی وزیر خزانہ ہاشم جواں بخر،چیئرمین منصوبہ بندی تے ترقیات، متعلقہ سیکرٹریز ،سپیشل مانیٹرنگ یونٹ دے سربراہ اتے اعلی حکام اجلاس اچ شریک ہن۔
وزیراعلیٰ پنجاب دی صدار ت اچ ا جلاس ،شہری اتے دیہاتی آبادی کو ں بنیادی سہولتاں ڈیونڑدے پروگرام دا جائزہ گھدا گیا
مضمون کا ماخذ : گولڈ رش
متعلقہ مضامین
.jpg)
