اسلام آباد۔ 8 اگست (اے پی پی) وزیر خارجہ شاہ محمود قریشی آکھیا جو بھارت دے اقدامات دے خلاف سلامتی کونسل ونجنڑ دا فیصلہ کیتے،بھارت دنیا دی توجہ کشمیر توں ہٹاونڑسانگے پلوامہ ٹو طرز دا نواں ڈرامہ کر سگدے،بھارت شملہ معاہدے دی روح تے حملہ کیتے جئیں اچ کشمیر دے مسئلے کوں متنازعہ معاملہ منیا گیا ہئی ،ہنڑ سارے قانونی پہلواں دا جائزہ گھنسوں،فیصلہ کر گھدے جو سمجھوتہ ایکسپریس وی کائنا چلسی،صورتحال تے چین نال مشورہ ضروری اے اتے ایں سانگے جلدی بیجنگ ویساں۔جواہرلال نہرو وی آکھیا ہئی جو کشمیر دا فیصلہ کشمیر دی عوام کریسی۔قومی سلامتی کمیٹی دے فیصلیاں نال افغان تجارت متاثر کائنا تھیسی۔بھارت پورے مقبوضہ کشمیر کوں جیل اچ بدل ڈتا گے،بھارت کڈاں تئیں چالہی لکھ کشمیریاں کوں قید رکھیسی۔خمیس کوں وزارت خارجہ اچ مقبوضہ جموں تے کشمیر دی صورتحال بارے پریس کانفرنس نال خطاب کریندیں ہوئیں وزیرخارجہ آکھیا جو خمیس دی سویل میڈی یورپی یونین دے اعلیٰ نمائندے برائے خارجہ امور نال تفصیلی گالھ مہاڑ تھئی اے۔میں نشابر کیتے جو اساں بھارت دے ایں موقف کوں مسترد کریندوں کیونجو کشمیر بین الاقوامی سطح تے متنازع علاقہ اے اتے ایں دی آئینی حیثیت ختم کرنڑ انہاں دا اندرونی معاملہ کائنی۔ایں ویلھے تقریباً نو لکھ بھارتی فوج مقبوضہ کشمیر اچ لگی پی اے اے کیجھی فلاح تے بہبود اے۔بھارت تقریباً ہر کشمیری گھر دے سامنڑے ہک فوجی لا رکھیے ۔
وزیر خارجہ شاہ محمود قریشی دا مقبوضہ جموں تے کشمیر دی صورتحال بارے پریس کانفرنس توں خطاب
مضمون کا ماخذ : لاٹری جیتنے کے طریقے
متعلقہ مضامین
.jpg)
