پنج رکنی کمیٹی ملازماں دے سارے مطالبات دا جائزہ گھنسی تے انہاں کوں حتمی شکل ڈیسی ، وفاقی وزیر صحت عامر محمود کیانی دا ہسپتال دے پیرا میڈیکل سٹاف نال خطاب

APP01-22 ISLAMABAD: February 22 - Federal Minister for National Health Services, Regulation and Coordination Aamir Mehmood Kiani addressing to the protesting staffers of PIMS after successful talks. APP photo by Saeed-ul Mulk

اسلام آباد ۔ 22 فروری (اے پی پی) وفاقی وزیر صحت دی درخواست تے پمز دے ڈاکٹرز، نرسنگ اتے پیرا میڈیکل سٹاف ہڑتال ختم کرنڑدا اعلان کر ڈتے جڈاں جو وفاقی وزیر صحت عامر کیانی ملازماں کوں یقین ڈیوائے جو 5رکنی کمیٹی انہاں دے سارے مطالبات دا جائزہ گھن تے انہاں کوں حتمی شکل ڈیسی ۔ جمعے کوں وزیر صحت عامر محمود کیانی پمز ہسپتال اچ ہڑتال تے پیرا میڈیکل سٹاف نال خطاب کریندے ہوئیں آکھیے جو بورڈ آف گورنرز دی منظوری دا عمل مسودے دی تیاری دے بعد ہوسی۔ انہاں احتجاج کرنڑ آلے سارے معطل ملازماں دی فوری بحالی دا حکم ڈیندے ہوئیں آکھیے جو پمز پاکستان دا ساریں توں بہترین ادارہ اے، ایندے ملازم پرسکون ہوسن تاں مریضاں کوں بہتر علاج دیاں سہولتاں مل سگسن۔ انہاں آکھیا جو2019ءکوں نرسنگ دا سال قرار ڈتا گے ۔ وزیر صحت آکھیے جو غریب لوکاں دی مدد حکومت دی ترجیح اے ۔ میڈی پوری کوشش اے جو ورکرز کوں انہاں دا حق مل سگے ۔ انہاں آکھیا حالی وی اساکوں مشکلات دا سامنڑاں اے۔ پی ٹی آئی دی حکومت پمز کوں مزید چنگاں ہسپتال بنڑیسی۔ انہاں ملازماں کوں آکھیا جو اساں سارے رل تے اپنڑے فیصلے کریسوں۔

مضمون کا ماخذ : لاٹری کے لائیو نتائج