اسلام آباد ۔ 8 جنوری (اے پی پی) وزیراعظم عمران خان آکھیے جو حکومت “نویں پاکستان” کیتے اصلاحاتی سماجی و اقتصادی ایجنڈے تے عملدرآمدسانگے پرعزم اے،انسداد پولیو مہم قومی پبلک ہیلتھ ایمرجنسی دے طور تے جاری رکھی ویسی،ملک توں پولیو کوں پکا مکایا ویسی۔اے گالھ وزیراعظم عمران خان ڈائریکٹر جنرل عالمی ادارہ صحت ٹیڈ روس ایڈہینم گیبری اوسس نال ملاقات اچ الویندے ا ٓکھی۔ٹیڈ روس بل اینڈ ملینڈا گیٹس فاﺅنڈیشن دے گلوبل ڈویلپمنٹ ڈویژن دے ڈاکٹر کرسٹوفرایلس دے نال وزیراعظم آفس اچ ملاقات کیتی۔ڈبلیو ایچ او صحت عامہ‘ ملکی سطح تے اثرات اتے صحت بارے علم اتے معلومات تئیں عوام دی رسائی ودھاونڑ تے اپنڑی توجہ ودھائی اے۔ٹیڈ روس وزیراعظم کوں پاکستان اچ ڈبلیو ایچ او دے جاری پروگراماں و منصوبہ جات بارے ڈسایا۔ وزیراعظم عمران خان انسداد پولیو بارے آکھیا جو حکومت پولیو مکاونڑ کیتے قومی پبلک ہیلتھ ایمرجنسی جاری رکھیسی، پولیو مہم کیتے وفاق اتے صوبائی حکومتاں رل مل تے کم کریندیان پین جیندے مثبت بتیجے نکلدے پین، ایں مہم دی قومی‘ صوبائی اتے ڈویژنل ٹاسک فورسزولوں براہ راست نگرانی کیتی ویندی اے۔انہان امید کیتی جو ڈبلیو ایچ او پاکستان اچ صحت دیاں سہولتاں سانگے پاکستان دا ہتھ ونڈیندا راہسی۔ایں موقع تے بل اینڈ ملینڈا گیٹس فاﺅنڈیشن دے گلوبل ڈویلپمنٹ ڈویژن دے صدر ڈاکٹر کرسٹوفر ایلس بل گیٹس ولوں ہک خط وی وزیراعظم کوں ڈتے۔قائم مقام سربراہ ڈبلیو ایچ او کنٹری آفس پاکستان ڈاکٹر نیما سعید عابد اتے ڈی جی ڈبلیو ایچ او دی چیف ایڈوائزر ڈاکٹر سینٹ فسیہا وی موجود ہن۔وفاقی وزیر صحت عامر محمود کیانی، وزیراعظم د ے فوکل پرسن برائے انسداد پولیو بابر بن عطا ، خارجہ سیکرٹری تہمینہ جنجوعہ ، سیکرٹری صحت کیپٹن (ر) زاہد سعید اتے بئے سینئر حکام وی ملاقات اچ موجود ہن۔
حکومت “نویں پاکستان” کیتے اصلاحاتی سماجی و اقتصادی ایجنڈے تے عملدرآمدسانگے پرعزم اے،وزیراعظم عمران خان دی ڈائریکٹر جنرل عالمی ادارہ صحت نال ملاقات
مضمون کا ماخذ : شمال کے ڈریگن
متعلقہ مضامین
.jpg)
