20ڈینھ اچ تیار کیتیاں گیاں 2نویاں ریل گاڈیاں دا افتتاح کریندے پیوں، پاکستان ریلوے کوں گھاٹے توں کڈھ تے منافع بخش ادارہ بنڑا تے چھوڑیسوں،وفاقی وزیر ریلوے شیخ رشید احمد

APP04-13 RAWALPINDI: September 13 Federal Minister for Railways Sheikh Rashid Ahmed talking to media persons after inspecting Mianwali Rail Car Rake Rawalpindi Station. APP photo by Javed Qureshi

اسلام آباد ۔ 13 ستمبر (اے پی پی) وفاقی وزیر ریلوے شیخ رشید احمد آکھیے جو ڈو نویاں ریل گاڈیا ں دا افتتاح کریندے پیوں جیرھیاں جو 20ڈینھ اچ تیار کیتیاں گن ، پاکستان ریلوے کو ں گھاٹے توں کڈھ تے منافع بخش ادارہ بنڑاتے چھوڑیسوں ،پاکستان ریلوے سی پیک منصوبے اچ ریڑھ دی ہڈی دی حیثیت رکھیندے ،سی پیک دے خلاف کوئی وی کائنی ایندی ودھ ساری حمایت کریسوں ۔اے گال انہاں خمیس کوں میانوالی ریل کار دے اپ گریڈ ڈریک معائنے دے بعد میڈیا نال گال مہاڑ کریندے ہوئیں آکھی ۔ وفاقی وزیر آکھیا جوپاکستان تے چین دی ریلوے رل تے انقلاب گھن آسی تے پسماندہ علاقیں اچ پاکستان ریلوے پجسی ۔انہاں آکھیا چیف جسٹس اتے وزیر اعظم ڈیم سانگے جیرھا قدم چاتے او قابل تحسین اے ۔انہاں آکھیا نالہ لئی آلا منصوبہ وی وختی شروع تھی ویسی ۔ایں سلسلے اچ ایف ڈبلیو او نال گال تھی گی اے ۔ انہاں آکھیا 30دسمبر تئیں پاکستان ریلوے کو ںمثالی ادارہ بنڑیساں۔ پاکستان ریلوے دا 42ارب دا گھاٹا ہے جیں کوں ہر صورت ختم کرنڑاں اے ۔ گوادر توں کوئٹہ تئیں ٹریک تعمیر کیتا ویندا پئے ۔انہاں آکھیاہزاراں ایکڑ زمین دے قبضہ ہے ۔ ریلوے زمین کوں قبضہ مافیا توں واگزار کراونڑ سانگے اقدامات کیتے ویسن ۔ملازماں کوں تحفظ ڈتا ویسی ۔کوشش کریسوں ریل گاڈی دے کرائے نہ ودھاﺅں بلکہ گھٹ کرائے تے ریل گاڈیاں چلائیاں ونجن تاں جو ودھ توں ودھ لوک ریلوے توں فائدہ چاون ۔انہاں آکھیا عمران خان دے ویژن دے مطابق ریلوے کو ںکرپشن توں پاک کریسوں تے کرپشن تے کہیں قسم دا کوئی وی سمجھوتہ کائناں تھیسی ۔انہاں ایں موقع تے 30مزدوراں کوں پنج پنج ہزار روپے ڈیونڑ دا اعلان کیتا جنہاں ڈینھ رات دی محنت نال ڈو ریل گاڈیاں تیار کیتن ۔

مضمون کا ماخذ : لوٹومینیا اکومولڈا