پاکستان آپنڑیں سرزمین منی لانڈرنگ اتے دہشت گرداں دی مالی معاونت کیتے کڈاہیں استعمال کائناں تھیونڑ ڈیسی ، مفتاح اسماعیل

APP24-16 ISLAMABAD: March 16 Adviser to Prime Minister on Finance, Miftah Ismail talking to media. APP

اسلام آباد ۔22اپریل (اے پی پی)پاکستان آپنڑیں سرزمین منی لانڈرنگ اتے دہشت گرداں دی مالی معاونت کیتے کڈاہیں استعمال کائناں تھیونڑ ڈیسی ۔ وزیراعظم دے مشیر برائے خزانہ مفتاح اسماعیل بلوم برگ ٹی وی کوں انٹرویو ڈیندے ہوئیں آکھیا جو پاکستانی روپے دی قدر اچ گھٹکی کائناں کیتی ویسی ۔ انہاں ہک سوال دے جواب ا چ آکھیا جو پاکستان منی لانڈرنگ دے خلاف اقدامات کر یندا پئے جڈانجو حکومت ایں حوالے نا ل مزید موثر اقدامات کریسی ۔ انہاں آکھیا جو اساں آپنڑیں عالمی ذمہ داریاں کوں پورا کرنڑ کیتے پرعزم ہن ۔ ڈاکٹر مفتاح اسماعیل آکھیا جو پاکستان آپنڑیں سرزمین توں منی لانڈرنگ اتے دہشت گرداں دی مالی معاونت کائناں تھیونڑ ڈیسی ۔ ہک بئے سوال دے جواب اچ انہاں آکھیا جو فنانشنل ایکشن ٹاسک فورس اتے انٹرنیشنل کو آپریشن ریویو گروپ ولوں پاکستان بارے پیش کیتے ونجنڑ آلے خدشات درست کائنی ۔ انہاں آکھیا جو اساں عالمی برادری دے نال رل تے کم کریسن ، اتے گرے لسٹ اچ آپنڑیں شمولیت کوں روکنڑ کیتے اصلاحات اُتے مکمل عملدرآمد کیتا ویسی ۔ ڈاکٹر مفتاح اسماعیل عالمی بینک اتے عالمی مالیاتی فنڈ دے اجلاس اچ شرکت کیتے واشنگٹن اچ ہن ۔ انہاں ایں موقعے تے آپنڑیں انٹرویو اچ آکھیا جو پاکستان دی معشیت درست سمت اچ گامزن ہے اتے روپے دی قدر اچ بئی کمی کائنی کیتی ونج سگدی۔ انہاں آکھیا جو معاشی اشاریئے مثبت ہن جئیں پاروں روپے دی قدر اچ کمی دی لوڑ پیش کائناں امسی ۔ مشیر خزانہ آکھے جو رواں سال مارچ دے دوران پاکستانی برآمدات اچ 24 فیصد دا اضافہ تھیا ۔ انہاں آکھیا جو پاکستانی روپے اچ کمی ایں سانگے کیتی گئی ہئی جو گزریل ترائے سالیں اچ درآمدات اچ تیزی نال ودھارا تھیونڑ پاروں تجارتی خسارہ ودھیا ہئی جئیں پاروں روپے دی قدر گھٹ کیتی گئی ۔

مضمون کا ماخذ : لاٹری کی پیشن گوئی