اسلام آباد ۔ 3 اپریل (اے پی پی) وزیر داخلہ پروفیسر احسن اقبال آکھیا جو پاکستان دہشت گردی دی جنگ بہادری نال لڑی اے تے ایندے اچ فتح حاصل کیتی لیکن دہشت گردی دا وائرس نویاں نویاں شکلاں اچ سامنڑے اآندا رہ ویندے ایں سانگے کڈاہیں وی اینکوں نظر انداز نی کیتا ونج سگدا ،اساکوں ایندے خلاف تکڑے تھی تے رہنڑاں اے ،عالمی براداری دہشت گردی تے انہتا پسندی دے خاتمے سانگے جھیڑیں کوں حل کرے ،منگل کوں اسلام آباد انٹرنیشنل کاﺅنٹر ٹیررازم فورم دے افتتاحی سیشن نال خطاب کریندے ہوئیں وزیرداخلہ آکھیا جو ،بھارت نشوم کشمیریاں تے ریاستی دہشت گردی تے ظلم دی انتہا کر ڈتی اے ،وزیر داخلہ اندرلے تے باہرلے ملک توں شرکا دا خیر مقدم کیتا ۔انہاں آکھیا دہشت گردی دے خلاف جنگ اچ اپنڑیاں کامیابیاں تے تجربیں بارے دنیا کوں ڈساونڑ سانگے اے فورم منعقد کیتا گے ۔پاکستان بہوں عرصے توں دہشت گردی دے خلاف جنگ لڑدا پے جیں اچ ہر شہری اپنڑاں کردار اد ا کیتے ۔اساں ہک مٹھ تھی تے اے جنگ لڑی اے اج اساں فخر نال آکھ سگدوں او پاکستان جیرھا کجھ سال پہلے دہشت گردی دی جنگ اچ متاثرہ ہئی اج ایں جنگ دا فاتح اے ۔وکٹم توں وکٹر دا سفر سوکھا کائناں ہئی ۔اے قوم دے حوصلے دا امتحان ہئی جیں اچ اساں سرخرو تھیوں ۔کجھ سال پہلے دہشت گرداں اساکوں وکیڑ اچ گھن رکھیا ہئی ۔ ڈائریکٹر جنرل ملٹری آپریشنز میجر جنرل ساحر شمشاد مرزا آکھیا جو پاکستان اپنڑی سرزمین توں دہشت گرداں دا صفایا کر ڈتا ،انسداد دہشت گردی سانگے پاکستان دنیا اچ ساریں توں ودھ فوج تعینات کیتی ۔انہاں آکھیا پاکستان کہیں وی ملک دے خلاف اپنڑی سر زمین استعمال کرنڑ دی اجازت کائناں ڈیسی ۔افغانستان دے نال اساڈی 2611میل دی سرحد اے ،اے بہوں اوکھی سرحد اے ،پاکستان ایندے تے 975چیک پوسٹاں قائم کیتیاں ہن جڈاں جو افغانستان ولوں 218ہن ۔انہاں آکھیا کجھ سال پہلے روزانہ دہشت گردی دے واقعات تھیندے ہن لیکن اج پاک فوج تے قانون نافذ کرنڑ آلے اداریں دے اپریشن پاروں دہشت گردی دا کوئی اکا دکا واقعہ تھیندے ۔انہاں آکھیا ایں جنگ اچ پاکستان 76ہزار جاناں دی قربانی ڈتی اے جڈاں جو 123ارب ڈالر دے معاشی ضیان دا سامنڑاں کرنڑاں پیا ۔ایں جنگ اچ اساڈے 5706افسراں تے نینگراں جام شہادت نوش کیتا ۔نینگراں دے مقابلے اچ شہید تھیونڑ آلے افسراں دا تناسب دنیا اچ ساریں توں ودھ اے ۔ایندے توں پہلے دہشت گردی دے کلاف جنگ اچ شہید تھیونڑ آلیں کوں خراج عقیدت پیش کرنڑ سانگے ہک منٹ دی خاموشی اختیار کیتی گی ۔ دہشت گردی تے بین الاقوامی ماہر پروفیسر ایڈم ڈولنک اتے تجزیہ کار حسن عباس وی خطاب کیتا ۔
پاکستان دہشت گردی دی جنگ بہادری نال لڑی ، بھارت نشوم کشمیریاں تے ریاستی دہشت گردی تے ظلم دی انتہا کر ڈتی ،وزیر داخلہ پروفیسر احسن اقبال انٹرنیشنل کاﺅنٹر ٹیررازم فورم دے افتتاحی سیشن نال خطاب
مضمون کا ماخذ : شمال کے ڈریگن
متعلقہ مضامین
.jpg)
