اسلام آباد ۔ 2 اپریل (اے پی پی) صدر مملکت ممنون حسین آکھے جو جیکر سارے ادارے آئین ولوں رکھی گئی حدا چ رہ تے کم کرنڑ تاں مسئلے پیدا کائناں تھیسن ۔ عوام اتے انتظامیہ وچال دوریاں مکاونڑ سانگے لازمی ہے جو ادارے آپ دے اختلافات دا اظہار متعلقہ فورم اُتے کرنڑ ایں طرح بہوں سارے مسئلے آپ مُک ویسن ۔ صدر مملکت اے گالہیں سنوار کوں 108 ویں نیشنل مینجمنٹ کورس دے شرکا نال ایوان صدراچ الیندے ہوئیں آکھیاں جیندے اچ ریکٹر نیشنل سکول آف پبلک پالیسی عظمت علی رانجھا اتے بئے اعلیٰ حکام شرکت کیتی۔ صدر مملکت آکھیا جو جئیں ویلھے قوماں اُتے اوکھا ویلھہ آندے تاں او پہلے توں ودھ حرکت اچ آویندیاں ہن اتے حساس تھی ویندیاں ہن اتے چیلنجاں نال نبڑنڑ سانگے معمول توں کتھاں ودھ تے فعالیت دا مظاہرہ کریندیاںہن۔ انھاں ایں گالھ تے تسلی ظاہر کیتی جو حکومت اتے متعلقہ اداریاںدیاں کوششاں نال انتہا پسندی اتے دہشت گردی اُتے قابو پاءگھدا گئے ۔ اُنہاں آکھیا جو ہنڑانہاں کامیابیاں کوں استحکام ڈیونڑ دی لوڑ ہے تانجو مستقبل اچ اے مسئلہ ولا نہ تھیوے ۔ صدر مملکت آکھیا جو پاکستان ایشیا دا دل ہے اتے ایندے آسے پاسے اچ وڈے اہم واقعے تھیندے پئے ہن ۔ انہاں آکھیا جو خطے اچ امن گھن کوں قائم رکھنڑ سانگے پاکستان دی پالیسی بہوں واضح ہے۔پاکستان خطے دے امن تے استحکام سانگے دوستاں دے تعاون نال آپنڑاں کردار ادا کریندا راہسی ۔ انھاں آکھیا جو خطے دی صورت حال پاکستان اُتے اثر انداز تھیندی ہے ۔ پاکستان خارجہ تعلقات دے شعبے اچ بہوں اہم کامیابیاں حاصل کیتیاں ہن ۔ ایں بارے روس نال گانڈھے دا قائم تھیونڑ ہک تریخی واقعہ ہے۔انھوں انہاں آکھیا جو سارک سربراہ اجلاس کراونڑ دے سلسلے اچ رابطے مددگار ثابت تھئے ہن ۔ صدر مملکت آکھیا جو گزریل کجھ عرصے اچ اساڈے کولوں سیاسی اتار چڑھاو ¿ دی رفتاروی معمول توں کجھ ودھ رہی ہے ۔ ایں طرح دے حالات اچ کجھ ایجھے مسئلے پیدا تھی ویندے ہن جنہاں اُتے فوری توجہ نہ ڈتی ونجے تاں لوکیں دی بے چینی اچ ودھارا تھیندے ۔ انہاں آکھیا جو ریاست اُتے اعتماد اچ ودھارے سانگے لازمی ہے جو عوامی مسلیاں کوں تکھے حل کیتا ونجے ۔ ایں بارے سرکاری افسراں دا کردار بہوں اہم ہے ۔ صدر مملکت آکھیا جو ملکی وسائل قوم دی امانت ہن ، ایں سانگے انہاں دی حفاظت لازمی ہے کیونجو انہاں دا ضیاع بدعنوانی ہی دی ہک شکل ہے اتے بدعنوانی کہیں وی شکل اچ قابل قبول کائنی ۔ایں موقعے تے صدر مملکت کورس دے شرکا ءدے سوالیں دے جواب وی ڈتے جڈانجو عظمت علی رانجھا انھاں کوں نیشنل سکول آف پبلک پالیسی دا یادگاری نشان پیش کیتا۔
حکومت اتے متعلقہ اداریاں دیاں کوششاں نال انتہا پسندی اتے دہشت گردی اُتے قابو پاءگھدا گئے,صدر مملکت ممنون حسین
مضمون کا ماخذ : میان میجک وائلڈ فائر
متعلقہ مضامین
.jpg)
