پاکستان اتے چین وچ ثقافتی معاہدے دے ایگزیکٹو پروگرام تے دستخط
وزیرمملکت مریم اورنگزیب اتے وزیر ثقافت چین لو شوگانگ معاہدے تے دستخط کیتے
بیجنگ۔ 6 فروری (اے پی پی) پاکستان اتے چین وچ ثقافتی تعلقات اتے ڈوہیں ملکاں دی عوام دے رابطے دے ودھارے سانگےثقافتی معاہدے دے ایگزیکٹو پروگرام تے دستخط کر ڈتے گئن۔ پاکستان ولوں وزیر مملکت اطلاعات،نشریات ،قومی تاریخ تے ادبی ورثہ مریم اورنگزیب جڈانجو چین دے وزیر ثقافت لو شوگانگ چین ولوں دستخط کیتے۔چین اچ پاکستان دے سفیر اتے ڈوہیں ملکاں دے اعلیٰ حکاا وی ایں موقع تے موجود ہن۔ثقافتی معاہدے اچ ڈوہیں ملکاں اچ فلم اتے براڈ کاسٹنگ ،آرٹ اتے ثقافت، تعلیم تے تحقیق ،پریس اتے ،پبلی کیشن ،کھیڈاں اتے نینگراں دے امور دے شعبیاں اچ تعاون شامل اے۔معاہدے دے تحت ڈوہیں ملک ریڈیو ،فلم اتے ٹی وی دے شعبے اچ سانجھ کوں ودھیسن۔ڈوہیں ملک اطلاعات دے آپسی تبادلے دے طریقہ کار تے وی کم کریسن جئیں دے تحت ریڈیو پاکستان اتے چائنہ ریڈیو انٹرنیشنل خبراں دا تبادلہ کریسن۔پاکستان اتے چین ثقافتی وفود دا تبادلہ کریسن اتے ہک ڈوجھے دے ملکاں اچ نمائشاں وی کرویسن۔معاہدے دے تحت ڈوہیں ملکاں دے فنکار وی ہک ڈوجھے دے تجربیاں توں فائدہ چیسن اتے ایں ابرے ڈو پاسہ دوریاں دی حوصلہ افزائی کیتی ویسی۔آرٹ گیلریز،تھیٹرز اتے ثقافتی نوادرات نال وی ڈوہیں ملک ڈو پاسہ بنیاداں توں فائدہ چیسن۔کھیڈاں اتے نینگراں دے امور دے شبیاں اچ تعلقات کوں ودھایا ویسی،ایں بارے نینگراں دے 100رکنی وفد ڈوہیں ملکاں دے دورے کریسن۔
پاکستان اتے چین وچ ثقافتی معاہدے دے ایگزیکٹو پروگرام تے دستخط
مضمون کا ماخذ : لاٹری کے انعامات
متعلقہ مضامین
.jpg)
