اسلام آباد ۔ 21ستمبر (اے پی پی) وفاقی وزیر ریاستاں تے سرحدی علاقہ جات لیفٹیننٹ جنرل (ر) عبدالقادر بلوچ آکھیا ہے جو وزیراعظم شاہد خاقان عباسی وطن واپسی تے فاٹا اصلاحات دے حوالے نال پالیسی بیان ڈیسن ۔خمیس کوں قومی اسمبلی اچ حاجی شاہ جی گل آفریدی آکھیا ہے جو فاٹا اصلاحات دے حوالے نال وزیراعظم کمیٹی بنڑائی ہے جیں اچ فاٹا دے منتخب عوامی نمائندیں اچ کہیں کوں وی شامل کائنی کیتا گیا ۔ہنڑ وی وقت ہے کہیں نمائندے کوں ایں کمیٹی اچ رلایا ونجے ۔اساں اے پی سی دے فیصلیں دے تحت فاٹا اصلاحات تے عمل در آمد سانگے نو اکتوبر دی ڈیڈ لائن ڈتی ہے ،اساں تکمیل پاکستان چاہندوں ،فاٹا اصلاحات منظور کرنڑ سانگے قومی اسمبلی دے سیشن کوں توسیع ڈتی ونجے ۔9اکتوبر کوں اگر فاٹا اصلاحات نہ تھیاں تاں اساں احتجاج کریسوں ،ایندے تے ریاست تے سرحدی امور دے وزیر عبدالقادر بلوچ آکھیا جو فاٹا اصلاحات کوئی مسئلہ کائنی رہیا ،قومی اسمبلی تے سینٹ اچ اے مسئلہ زیر بحت آگیا ہے ،وزیرا عظم واپس آتے ہک ہفتے اچ فاٹا اصلاحات دے حوالے نال پالیسی بیان ڈیسن ۔فاضل ارکان کوں ایں سلسلے اچ دھمکی آمیر رویے توں اجتناب کرنڑاں چاہیدا ہے ۔اساں فاٹا دے ارکان اسمبلی تے سینٹ دی صلاح دا احترام کریسوں ۔
وزیراعظم شاہد خاقان عباسی وطن واپسی تے فاٹا اصلاحات دے حوالے نال پالیسی بیان ڈیسن ،وفاقی وزیر لیفٹیننٹ جنرل (ر) عبدالقادر بلوچ
مضمون کا ماخذ : لوٹیریا کے اعدادوشمار
متعلقہ مضامین
.jpg)
