نواز شریف دا اقتدار اچ رہنڑ یا آونڑ اوکھا کائنی مگر ایجھا اقتدار چاہندوں جیں نال عوامی مرضی دے مطابق فیصلے تھیون
لاہور۔10ستمبر (اے پی پی )وزیر مملکت داخلہ طلال چوہدری آکھیا ہے جو جی ٹی روڈ توں شروع تھیونڑ آلا نظریہ لاہور پج گیا ہے ،این دے 120دے ضمنی الیکشن اچ نظر آسی جو لوک ووٹ دی قدر چاہندے ہن ۔نواز شریف دا اقتدار اچ رہنڑ یا آونڑ اوکھا کائنی مگر ایجھا اقتدار چاہندوں جیں نال عوامی مرضی دے مطابق فیصلے تھیون ۔او اتوار کوں اتھاں ماڈل ٹاﺅن اچ میڈیا نال گالھ بات کریندے پے ہن ۔ایں موقع تے بے لیگی رہنما وی موجود ہن ۔طلال چوہدری آکھیا جو محمد نواز شریف کوں اقتدار توں انجھ تھیونڑتوں پہلے توں ودھ عز ت ملی ہے ،انہاں آکھیا جو عمران خان حکومت سانگے نا اہل تے عوامی نال اہل وی ہن ۔این اے 120دے انتخابات اچ ثابت تھی ویسی جو لوک نوازشریف نال محبت کریندے ہن ۔انہاں مزید آکھیا جو دہشت گردی کوں وی نظر ثانی دی اپیل دا حق ہوندا ہے جڈاں مارشل لاءاچ وی اپیل تھی سگدی ہے ،نواز شریف دی پانامہ کیس اچ نظر ثانتی دی اپیل اچ قانون دے تقاضے پورے تھیونڑیں چاہیدے ہن ۔ہک سوال دے جواب اچ انہاں آکھیا جو اگر کرپشن ثابت تھیندی تاں سزا اقامے تے ناں تھیندی ،کوئی بد عنوانی ثابت تھیندی تاں نیب دا مونڈھا استعمال نہ تھیندا انہاں آکھیا جو سوال اے ہے جو کیا نیب خود قانونی طور تے کم کریندی پئی ہے تاں جو قانون دی حکمرانی چاہندوں تے چاہندوں جو سارے معاملات اچ قانون دے تقاضے پورے کیتے ونجن ۔
جی ٹی روڈ توں شروع تھیونڑ آلا نظریہ لاہور پج گیا ہے ،این دے 120دے ضمنی الیکشن اچ نظر آسی جو لوک ووٹ دی قدر چاہندے ہن, وزیر مملکت داخلہ طلال چوہدری دی مےڈےا نال گالھ بات
مضمون کا ماخذ : پاور بال
متعلقہ مضامین
.jpg)
