اسلام آباد ۔ 22 دسمبر(اے پی پی )وفاقی وزیر ریلویز خواجہ سعد رفیق آکھے جو برصغیر دی تریخ اچ پہلی واری مذہبی ہم آہنگی کیتے کرسمس ریل گاڈی چلائی گئی ہے اے ریل گاڈی یک جہتی اتے امن دا سنیہاگھن تے روانہ تھیندی پئی ہے ۔ مسیحی برادری دیاں وطن کیتے خدمات کوں کئی نہیں بھلا سگدا، ریل گاڈی دی افتتاحی تقریب نال الیندے ہوئیں انہاں آکھیا جو کرسمس دے موقعے تے ایں طرح دی ریل گاڈی دی ماضی اچ کئی مثال کائنی ملدی ۔ پاکستان دا جھنڈا اقلیتی برادری دے بغیر پورا کائنی تھیندا۔ اساں دنیاں کوں ڈیکھاونڑاں ہے جو پاکستان اچ وسنڑ آلے سارے مذاہب دے لوک محب وطن ہن ۔ پاکستان مسیحی برادری نال یگانگت اتے ہم آہنگی دے اظہار سانگے پاکستان دی تریخ اچ پہلی واری کرسمس دی تقریبات بارے چلائی ونجنڑآلی ریل گاڈی دا افتتاح مارگلہ اسلام آباد ریلوے اسٹیشن توں وزیر ریلوے خواجہ سعد رفیق اتے وزیر ہیومن رائٹس کامران مائیکل کیتا۔ ایں خصوصی ریل گاڈی اچ 3 گیلریاں اتے 2 فلوٹس شامل ہن ۔ جیہڑے جو مذہبی ہم آہنگی اتے پاکستان نال محبت کوں اجاگر کریسن۔
کرسمس ریل گاڈی یک جہتی اتے امن دا سنیہا گھن تے روانہ تھی گئی
مضمون کا ماخذ : کمپیوٹر لاٹری کے اعدادوشمار
متعلقہ مضامین
.jpg)
