اسلام آباد ۔ 11 ستمبر (اے پی پی) پاکستان مسلم لیگ (ن) دی حکومت آپنڑیں موجودہ دور اچ مسلسل ترائے واری جنرل اتے پارلیمنٹیرینز ٹیکس ڈائریکٹریز چھاپنڑ دا اعزاز حاصل کر گھدے ۔ ایںطرح پاکستان ٹیکس ڈائریکٹریز چھاپنڑ آلا دنیا دا چوتھا وڈا ملک بنڑ گئے ۔ ٹیکس سال 2013 اتے 2014 اچ جنرل اتے پارلیمنٹیرینز ٹیکس ڈائریکٹریز دی مسلسل اشاعت دے بعد ٹیکس سال 2015 دی ٹیکس ڈائریکٹریز وی جاری کر ڈتی گئی ہن، پہلی ٹیکس ڈائریکٹری اچ 7 لکھ 21 ہزار، ڈوجھی ٹیکس ڈائریکٹری اچ 8 لکھ 56 ہزار جڈانجو تریجھی ڈائریکٹری اچ 10 لکھ 74 ہزار ٹیکس دہندگان دا ریکارڈ پیش کیتا گئے ۔ ایںتوںپہلے پاکستان اچ ٹیکس ڈائریکٹریز جاری کرنڑ دی روایت کائناں ہئی ، جڈانجو موجودہ حکومت جتھاں بئے بہوں سارے اصلاحاتی اقدامات کیتے ہن اتھاں ایں ٹیکس دہندگان بارے معلومات کوں عام کرنڑ اچ ٹیکس ڈائریکٹریز شائع کرنڑ دا وی اعلان کیتا ہئی جیندے اُتے گزریل ترائے سالیں توں باقاعدگی نال عملدرآمدجاری ہے۔ فیڈرل بورڈ آف ریونیو ولوں جاری تھیونڑآلی پارلیمنٹیرینز ٹیکس ڈائریکٹری برائے سال 2015 دے مطابق وزیر اعظم محمد نواز شریف ٹیکس سال 2015 اچ 21 لکھ 95 ہزار 341 روپے دا ٹیکس جمع کروایا۔ پاکستان تحریک انصاف دے چیئرمین عمران خان 76 ہزار 244 روپے، جے یو آئی ف دے امیر مولانا فضل الرحمٰن 49 ہزار 902 روپے، قومی اسمبلی اچ اپوزیشن لیڈر خورشید شاہ ہک لکھ 13 ہزار 470 روپے، جماعت اسلامی دے امیر سراج الحق 51 ہزار 343 روپے، مسلم لیگ ق دے پرویز الٰہی 14 لکھ 3 ہزار 947 روپے، عوامی مسلم لیگ دے سربراہ شیخ رشید 3 لکھ 12 ہزار 383 روپے،قومی وطن پارٹی دے سربراہ آفتاب شیر پائو 17 لکھ 23 ہزار 273 روپے جڈانجو ایم کیو ایم دے رہنما فاروق ستار 67 ہزار 639 روپے ٹیکس دی مد اچ قومی خزانے اچ جمع کروائے۔ ایف بی آر حکام دے مطابق فیڈرل بورڈ آف ریونیو ولوں جاری ٹیکس ڈائریکٹری اچ 120 ارکان پارلیمنٹ دا ریکارڈ موجودکائنی ،جنہاں آپنڑیں گوشوارے جمع کائنی کروائے جڈانجو ٹیکس دہندگان آپنڑیں گوشوارے جمع کرویسن، انہاںد ے ناواں دا ٹیکس ڈائریکٹری اچ اندراج کر ڈتا ویسی ۔ اے ٹیکس ڈائریکٹریز ایف بی آر دی ویب سائیٹ تے موجود ہن ۔
پاکستان مسلم لیگ (ن) دی حکومت دا آپنڑیں موجودہ دور اچ مسلسل ترائے واری جنرل اتے پارلیمنٹیرینز ٹیکس ڈائریکٹریز چھاپنڑ دا اعزاز
مضمون کا ماخذ : پاور بال کا ٹکٹ
متعلقہ مضامین
.jpg)
