اسلام آباد۔10اپریل (اے پی پی) د پارلیمان دواړو ایوانونو په شريكه غونډه كښې د سپریم کورټ پریکټس اینډ پروسیجر بل 2023ء سره د ځينې بلونونو منظوري وركړې ده ۔ د ګل په ورځ د پارلیمان شريكې غونډې په پېل كښې سپیکر پرویز اشرف ووئېل نن د آئین د ګولډن جوبلي دستورې پېل كېږي په كومو چې ټولو غړو ته مبارکي وركوو ۔ په دې مهال د تحریک انصاف غړو چغې سورې وهلې ۔ د قانون او انصاف وزير اعظم نذیر تارړ ووئېل قامي اسمبلۍ او سینیټ او بيا قائمه کمیټۍ د ډېر مشاورت نه پس د سپریم کورټ پریکټس اینډ پروسیجر بل 2023ء منظوري وركړې وه كوم چې صدر ته منظورۍ لپاره لېږلے شوے ؤ خو هغه بل پارلیمان ته د خپل پیغام سره بېرته رالېږے دے۔ ده په غونډه كښې د صدر پیغام واورولو چې پكښې وئېلې شوي د آرټیکل 67 تر مخه پارلیمان د آئین مطابق د خپل طریقه کار او کاروبار منظم کولو لپاره د قواعدو جوړولو اختیار لري ، د آرټیکل 191 تر مخه د آئین او قانون تابع پاتې كېدو سره سپریم کورټ د خپلې کارروائۍ او طریقه کار ریګولیټ کولو قواعد جوړولې شي ، آرټیکل 67 او 191 په قواعدو جوړولو كښې د دواړو خود مختاري تسلیموي، د عدلیه آزادۍ ته مکمل تحفظ وركولو لپاره آرټیکل 191 په دستور كښې شامل کړے شوے، د دې آرټیکل تر مخه سپریم کورټ د پارلیمان د قانون سازۍ د اختیار نه بهر ساتلے شوے، د آرټیکل 70 وفاقي قانون سازۍ فهرست كښې په كومه هم معامله قانون جوړولې شي، د فورتھ شیډول مطابق پارلیمان د سپریم کورټ نه علاوہ د ټولو عدالتونو د كار دائرہ اختیار او اختیاراتو په اړه د قانون سازۍ اختیار لري، بل په بنیادي توګه د پارلیمان د دائرہ اختیار نه بهر دے ، په دې اړخونو د مناسب غور کولو ضرورت دے ۔ اعظم نذیر تارړ د دغې په ځواب كښې ووئېل دواړو معزز ایوانونو په بل غور کړے او كوم خلق چې دلته چغې سورې وهي دوي هم په بل كښې خپله برخه اچولې، صدر مملکت د پارلیمان په اړه د مصنوعي او ناکافي قانون سازۍ تاثر وركړے كوم چې نامناسب دے ، صدر له داسې الفاظ استعمالولو نه ډډه پكار ده ۔ د قانون وزير ووئېل تر څو چې د حدود د تعین تعلق دے په دغه كښې مداخلت نشو كولے خو مونږ خو د هغوي دائرہ کار زيات كړے او سپېځلتيا مو راوستې ده ، د ټول هېواد بار کونسلز او بار ایسوسی ایشنز او سول سوسائټۍ دا غوښتنه كوله چې د 1980ء د آمرانه دور رولز چې پكښې آمرانه څيره ښكاري د طاقت ټول اختیار چیف جسټس له وركړے شوے او آئین وائې چې د سپریم کورټ چیف جسټس او په نورو ججانو به مشتمل وي د كوم تعین به چې د ایکټ آف پارلیمنټ تر مخه كېږي،۔ ده ووئېل په دې بل كښې په سیکشن 5 كښې د اپیل حق وركړے شوے او د دې نه وړاندې د دوه كسيز بنچ پرېكړې په ضد هم د اپیل حق نه ؤ ، د دې قانون تر مخه به اوس درې كسيزه کمیټي د کیس اورېدو يا نه اورېدو پرېكړه كوي ، د دې نه وړاندې به چې كوم وكيل په نوټس كښې وړاندې كېدو هغه به په نظرثانۍ كولو درخواست كښې هم وړاندې كېدو كومه چې د بنيادي حقونو خلاف ورزه ده ، خو اوس به د نوي قانون تر مخه دې كښې هم بدلون كېدے شي ۔ دغسې سپیکر تحریک ایوان ته منظورۍ لپاره وړاندې كړو د كوم چې ایوان منظوري وركړه او دغسې بيا سپیکر د بل شق وار منظوري واغستله ۔
د پارلیمان شريكه غونډه ، د سپریم کورټ پریکټس اینډ پروسیجر بل 2023ء سرهد ځينې بدلونونو منظوري وركړې شوه
مضمون کا ماخذ : پاور بال آن لائن خریداری
متعلقہ مضامین
.jpg)
.jpg)
