اسلام آباد۔14نومبر(اے پی پی) وفاقی وزیر ??زانہ محمد اورنگزیب موسمیاتی تبدیلی توں ساریں توں ودھ متاثر تھیوݨ آلے ملکاں دی مدد سانڳے جدید ماحولیاتی مطابقت دے حل دی وختی لوڑھ تے زور ݙتے ۔ اے ڳالھ انھاں باکو اچ کانفرنس آف پارٹیز (کوپ۔29) سمٹ دے دوران پاکستان پویلین اچ منعقدہ ”ایکومینز کلائمیٹ ایکشن فنڈ فار پاکستان” توں خطاب اچ آکھی ۔ پاکستان دیاں کامیابیاں تے روشنی پیندے وزیر ??زانہ زراعت سانڳے وقف ملک دے پہلے فنڈ دے قیام دا ذکر کیتا، جیں اچ خاص طور تے موسمیاتی لچک تے توجہ ݙتی ڳئی اے ۔ وزیراعظم دی کوآرڈینیٹر موسمیاتی تبدیلی رومینہ خورشید عالم پاکستان سانڳے ایکومین کلائمیٹ ایکشن فنڈ دی تعریف کریندے اینکوں ملک دی زرعی صلاحیت ودھاوݨ اچ اہم سنگ میل قرار ݙتا۔ انہاں وضاحت کیتی جو ایں فنڈ دی توجہ زرعی کاروباراں، خاص طور تے چھوٹے کاشتکاراں کوں صبر و تحمل نال سرمایہ ݙیوݨ تے مرکوز اے جیڑھے پاکستان دی زرعی افرادی قوت دا 90 فیصد ہن۔ انہاں آکھیے موسمیاتی تبدیلیاں دے حوالے ن??ل پاکستان دے خطرے کوں سامݨے رکھیندے ، جیں توں 2040 تئیں زرعی پیداوار اچ 8 توں 10 فیصد کمی متوقع اے ، اے اقدام غذائی تحفظ یقینی بݨاوݨ تے ودھدے ماحولیاتی چیلنج دا سامݨا کریندے پائیدار کاشتکاری دے طریقیں کوں ودھارا ݙیوݨ سانڳے اہم اے ۔ وزیر ??زانہ مزید آکھیے ایکومین کلائمیٹ ایکشن فار پاکستان (اے سی اے پی) فنڈ ملک دا پہلا ماحولیاتی توجہ مرکوز کرݨ آلا نجی شعبے دا فنڈ ہوسی۔ انہاں ایں ڳالھ تے روشنی پاتی جو اے فنڈ انھاں کاروباراں کوں ہدف بݨیسی جیڑھا جو زراعت اچ آب و ہوا دی لچک کوں ودھیندن ، خاص طور تے چھوٹے کساناں کوں فیدہ پڄیندن تے 13.1 ملین کساناں دی زندگیاں کوں متاثر کریندن ۔ گرین کلائمیٹ فنڈ پاکستان سانڳے نجی شعبے دا ہݨ تئیں ساریں توں وݙا عزم اے ۔ وزیر ??زانہ مزید آکھیے اے سی اے پی فنڈ پاکستان اچ تبدیلی دے ا??رات پیسی ، اعلی درجے دے سرمایہ کاراں توں نجی سرمائے دا فیدہ چیسی تے مقامی کاروباراں کوں تکڑا کرݨ سانڳے براہ راست غیر ملکی سرمایہ کاری(ایف ڈی آئی)کوں راغب کریسی ۔ اے سی اے پی نہ صرف پاکستان دا پہلا سنگل کنٹری فنڈ اے بلکہ د??یا دا پہلا فنڈ وی اے جیڑھا آب و ہوا نال مطابقت پذیری تے توجہ ݙیندے ۔ تقریب توں ایکومینز، گرین کلائمیٹ فنڈ اتے یو ایس ایڈ دے نمائندیں وی خطاب کیتے۔
