اسلام آباد۔24جنوری(اے پی پی) نړيوال بانك وئيلي دي په پاكستان كښې د زياتو بارانونو او سېلاب په نتيجه كښې د ګرد هېواد 60 لكه وګړي د خوراك تحفظ نه لرلو سره مخ شوي۔ دا خبره د نړيوال بانك په تازه رپورټ كښې شوې ۔ په رپورټ كښې وئيلې شوي د سېلاب د لاسه د سوؤنو په شمېر كسانو د خپل ژوند څخه لاسونه وينځلي ٬ د لكھونو په شمېر ډنګر مړه شوي او په 9.4 ملین اېکړه زمكه ولاړ فصلونه له مينځه تللي۔ تر ټولو زيات زيان په بلوچستان او سندھ كښې شوے ۔ په رپورټ كښې وئيلې شوي هېواد كښې د خوراكي څيزونو بيعې لوړې شوي۔ په اكتوبر 2021 كښې د ګرانۍ شرح 8.3 فیصد وه كومه چې په مارچ 2022 كښې15.3 او د سېلاب څخه وروستو په ستمبر كښې 31.7 فیصد ته ورسېده۔ په رپورټ كښې وئيلې شوي په مجموعي توګه په سوئيلي آسيا كښې د ماحولیاتی او موسمیاتی عواملو ٬ د زر مبادله په پنګو كښې د كمي او د ځايي كرنسيو قدر پرېوتو له امله ګراني مخ په زياتېدو ده چې ورسره د خوراكي توكو بيعې هم زياتې شوي۔ په بنګله دېش كښې د دسمبر په مهال د ګرانۍ شرح كښې په كلنه توګه 7.9 فیصد، نیپال كښې 7.4 فیصد او پاكستان كښې 35.5 فیصد اضافه شوې ۔ په سري لنكا كښې دا شرح تر 64.4 فیصده ريكارډ كړې شوې ۔ په رپورټ كښې وئيلې شوي د تېر كال پشكال موسم په مهال د سوئيلي آسيا په ځينو سيمو كښې له معمول څخه زيات او ځينو نورو سيمو كښې كم بارانونه وشول چې له امله يۍ د خوراك په پېداوار كښې تعطل رامخې ته شو او د دې اثرات اوس رامخې ته كېږي
پاکستان كښې د سېلاب د لاسه 60 لكه وګړي د خوراك تحفظ نه لرلو سره مخ دي٬ د نړيوال بانك رپورټ
مضمون کا ماخذ : اسکریچ کارڈز خریدیں
متعلقہ مضامین
.jpg)
