اسلام آباد ۔ 11 فروری (اے پی پی) مشیر خارجہ سرتاج عزیز آکھے جو بحر ??ند اچ ایٹمی ہتھیاراں دی تنصیب اتے عسکری سرگرمیاں نال علاقائی امن واستحکام کوں سنگین خطرے لاحق ہن ۔ اساں آپنڑیں قومی مفادات چنگی طرح جانڑدے ہئیں اتے ودھدے ہوئے میری ٹائم سیکورٹی چیلنجاں نال نبڑنڑ دی مکمل صلاحیت رکھیندے ۔ پاکستان زمین اتے سمندر اچ آپنڑیں مفادات اتے دفاع سانگے سمندری رستیاں کوں کھلا رکھنڑ کیتے نمایاں بحری موجودگی برقرار رکھیسی ۔ پاکستان بحر ??ند دا تریجھا اہم ملک ہے اتے بحر ??ند خطے اچ پر امن نیوی گیشن اتے سلامتی نال پاکستان دے تذویراتی مفادات وابستہ ہن ۔ حکومت سمندر اچ سیکورٹی یقینی بنڑاونڑ کیتے ساریاں ضروری اقدامات کریندی پئی ہے۔ چھنڑ چھنڑ کوں کراچی اچ ستویں میری ٹائم عالمی کانفرنس دی افتتاحی نشست نال خطاب کریندے ہوئیں مشیر خارجہ آکھیا جو سارے خطے دے فیدے چانگے بحرہند کوں امن تے خوشحالی دا مرکز بنڑاونڑ دی لوڑ ہے ۔ بحر ??ند دی اہمیت کوں اجاگر کریندے ہوئیں سرتاج عزیز آکھیا جو بحر ??ند وسطی ایشیائ، افریقہ اتے آسٹریلیا کوں یورپ دے نال میلا ڈیندے ۔ ان??اں آکھیا جو بحر ??ند دا خطہ سیاسی اتے معاشی لحاظ نال بہوں و??ھ اہمیت اختیار کر گئے ۔ اے نہ صرف مشرق وسطیٰ ،جنوبی ایشیا ئ،افریقہ وچال رابطے دا ذریعہ ہے جڈانجو دنیا اچ تیل تے گیس دے 30فیصد ذخائر ایں خطے اچ موجود ہن ۔
مشیر خارجہ سرتاج عزیز دا میری ٹائم عالمی کانفرنس دی افتتاحی نشست نال خطاب
مضمون کا ماخذ : پاور بال انعامات
متعلقہ مضامین
