اسلام آباد۔13اکتوبر(اے پی پی) وزیراعظم محمد شہباز شریف دی دعوت تے چین دے وزیراعظم لی کیانگ 14 توں 17 اکتوبر تئیں پاکستان دا دورہ کریسن ۔ ایں موقع تے سی پیک دے تحت تعاون اتے پاکستان اتے چین وچال اقتصادی اتے تجارتی سودھے سارے شعبیں اچ تعلقات تے جامع ڳالھ مہاڑ اچ وزیراعظم محمد شہباز شریف تے چینی وزیراعظم لی کیانگ اپݨے اپݨے ملکاں دے وفد دی قیادت کریسن ۔ وزارت خارجہ امور توں جاری بیان موجب وزیراعظم پاکستان دی دعوت تے چین دے وزیراعظم 14 توں 17 اکتوبر تئیں پاکستان دا دورہ کریسن ۔ چینی وزیراعظم دے رلے وزیر خارجہ امور ، وزیر تجارت ، ??یش??ل ڈویلپمنٹ اینڈ ریفارم کمیشن تے چائنا انٹر??یش??ل ڈویلپمنٹ کوآپریشن ایجنسی دے عہدیدارتے اعلیٰ حکام وی ہوسن ۔ ایں موقع تے ݙوہیں ملکاں دے قائدین وچال علاقائی اتے عالمی امور تے ڳالھ مہاڑ وی تھیسی ۔ چینی وزیراعظم صدر مملک?? آصف علی زرداری نال ملاقات وی کریسن ، او پارلیمانی رہنماواں اتے پاکستان دی عسکری قیادت نال وی ملاقاتاں کریسن۔ چینی وزیراعظم شنگھائی ت??اون تنظیم دی کونسل آف دی ہیڈ ز آف گورنمنٹ ( سی ایچ جی) دے اسلام آباد اچ تھیوݨ آلے اجلاس اچ وی شریک تھیسن ۔ ترجمان دفتر خارجہ موجب چینی وزیراعظم دا پاکستان دا اے دورہ پاکستان اتے چین وچال ہرموسم اچ آزمودہ، تزویراتی شراکت داری دی اہمیت دا عکاس اے ۔ اے دور ݙوہیں ملکاں وچال سانجھے مفاد دے ایشوز تے سانجھے تعاون دے عزم دا اعادے دا موقع ݙیسی جݙاں جو سی پیک دی ت??قی تے اہم علاقائی اتے عالمی امور تےباقاعدہ تبادلہ خیال دا موقع وی ݙیسی۔
