اسلام آباد۔15جنوری (اے پی پی) پاکستان علماﺀ کونسل په هېواد كښې د روانې وضعې په تناظر كښې ټولو سياسي او مذهبي ګوندونو سره د رابطې کولو پرېكړه کړې ده، د هېواد حالات د دې غوښتنه کوي، چې حکومت، د هېواد ټول مذهبي او سياسي ګوندونه او رياستي ادارې د خبرو اترو مېز ته کېني او د روان وضعيت د ښه کېدو لپاره هڅې وکړي، د جنجال او سياسي بې ثباتۍ له امله به پاکستان نور هم له کړاوونو او ستونزو سره مخ شي۔ پاکستان علماﺀ کونسل په هېواد كښې د هر ډول تشدد ٬ انتها خوښۍ او ترهګرۍ غندنه كوي ٬ د مدینې منورې په څير ریاست به د کردار جوړونې له لارې ممکن وي، پاکستان علماﺀ کونسل د سعودي عربستان حكومت لخوا د روان كال 2023 په مهال د بشپړه حج چارو بحال كولو پرېكړې هركلې او مننه كوي۔ دا خبره د پاكستان علماﺀ كونسل چيئرمېن او د انټرنېشنل تعظيم حرمېن شريف كونسل عمومي سېكتر حافظ محمد طاهر محمود اشرفي د پاكستان علماﺀ كونسل ترسېوري لاندې فضائل سيدنا صديق اكبر (رض) كنفرنس ته خطاب څخه وروستو ميډيا سره خپلو خبرو كښې وكړه۔ په دې موقعه مولانا اسد اللہ فاروق، علامه پیر زبیر عابد، مولانا محمد اسلم صدیقی، قاری عبد الحکیم اطهر، مولانا محمد اسلم قادری، قاری شمس الحق نواز، قاری مبشر رحیمی ،پروفیسر رحمت دین ، سید نسیم الاسلام ، مفتی فلک شیر، مولانا ابراهيم حنفی ، حافظ حسن افضال صدیقی ، مولانا ظهیر احمد هزاروی ، مفتی کفایت اللہ عثمانی ، قاری عبد الرحمن تونسوی، مولانا ناصر حقانی ، مولانا محمد اسماعیل ، مولانا افتخارقصوری ، مولانا حبیب اللہ شاکر، حافظ محمد طلحه صدیقی ، حافظ ساجد، حافظ عبد الوحید، قاری عبدالماجد، قاری فیصل امین ، فهد بټ او نور موجود وو۔ طاهر محمود اشرفي ووئيل چې د خلافت راشده د نظام بنياد عدل ٬ احسان او احتساب دے او تر كومې چې د انصاف سرلوړي نه وي احتساب به عام نه شي٬ كمزورې به طاقتور او طاقتور به كمزورې نه شي۔ ده ووئيل دا مهال د فلاحي رياست خوب ريښتيا كېدې نه شي۔ ده ووئيل په 75 كاله كښې مونږ سودي نظام ختم نه كړے شو٬ د انصاف نظام مو بدل نه كړې شو۔ د موجوده سياسي نظام د لاسه په عدالتي او احتسابي نظام د اولس باور ختم شوے دے٬ پاكستان يو زرعي هېواد دے خو زمونږ اولس اوړو او چينو لپاره په قطارونو كښې ولاړ دي۔ ده ووئيل سياسي لارښود دې يو بل ته د طعنو وركولو په ځائې د هېواد معاشي ٬ اقتصادي ٬ سياسي او معاشرتي نظام اصلاح لپاره راوړاندې شي۔ ده ووئيل ټاكنې هم هغه وخت بدلون راوستلې شي كله چې د ټاكنو نظام كښې اصلاحات وكړې شي۔ ده ووئيل تر كومې چې په ټاكنو كښې د پېسې كارول كېدل ختم نه شي او مونږ ووټ په مېرټ ورنكړؤ تر دغه وخت به د طاقت او پېسې نظام چلېږي۔ده ووئيل پاكستان علماﺀ كونسل پرېكړه كړې ده چې ټولو سياسي او مذهبي لارښودو سره ملاقات كولو سره د دوئي پام په هېواد كښې د روانې وضعې اصلاح پلو وګرځوي ٬ مذاكراتي او مفاهمتي عمل لپاره هڅې وكړې شي۔ ده د پاكستان علماء کونسل لارښودو او كاركنانو ته هدايت وكړو چې هغوي په ټاكنو كښې د داسې لارښودو په اړه لارښودنه وكړي د كومو منشور او دستور چې په عدل ٬ احسان او احتساب اډانه لري۔
حکومت، ټول مذهبي او سياسي ګوندونه او رياستي ادارې دې د مذاكراتو مېز ته راتللو سره په هېواد كښې د روانې وضعې ښه کولو هڅې وکړي، حافظ طاهر محمود اشرفي
مضمون کا ماخذ : ٹکٹ خریدنے کے حوالے سے الفاظ
متعلقہ مضامین
.jpg)
.jpg)
.jpg)
