اسلام آباد ۔ 22 جولائی (اے پی پی) قومی سلامتی کمیٹی مقبوضہ کشمیر اچ وگڑدی ہوئی صورتحال تے تشویش کریندیں ہوئیں فیصلہ کیتا جو بے گناہ شہریاں دے قتل عام دی تحقیقات اتے احتجاج کرنڑ آلیاں کوں منتشر کرنڑ سانگے چھرے آلے بندوقاں دے استعمال تے پابندی،مقبوضہ کشمیر اچ فیکٹ فائنڈگ مشن بھجواونڑ سانگے اقوام متحدہ دی انسانی حقوق کونسل نال رجوع کرنڑ دا فیصلہ،بھارت دا اے دعویٰ جو مقبوضہ کشمیر اچ وگڑدی ہوئی انسانی حقوق دی صورتحال اوندا داخلہ معاملہ اے،حقیقت اچ غلط،قانونی طور ناقابل دفاع اتے درحقیقت بین الاقوامی قانون اتے سلامتی کونسل دی قرارداداں دی خلاف ورزی اے،کشمیری عوام دی آپنڑے حق خودارادیت سانگے آواز کوں دبا کراہیں بھارت مقبوضہ کشمیر اچ آپنڑے تسلط کوں جائز قرارنی ڈے سگدا،مسئلہ کشمیر دا ہکو ممکن حل اقوام متحدہ دے تحت منصفانہ اتے غیر جانبدارانہ استصواب رائے نال اقوام متحدہ دی سلامتی کونسل دی قرارداداں تے جلدی عملدرآمد اے،اساں جموں کشمیر دی عوام کوں اقوام متحدہ دی سلامتی کونسل دی قرارداداں دے مطابق حق خودارادیت دے حصوصل سانگے آپنڑی سفارتی ،اخلاقی،اتے سیاسی حمایت ڈتی اے اتے ڈیندے رہسوں۔وزیر اعظم محمد نواز شریف آکھیا جو کشمیری عوام دی جائز جدوجہد آزادی نسل در نسل جاری اے جئیں اچ کشمیریاں بے مثال قربانیاں ڈتن ،اساڈا یقین اے جو کشمیری عوام دی آپنڑی حق خودارادیت سانگے آواز کوں دبا کراہیں بھارت مقبوضہ کشمیر اچ آپنڑے تسلط کوں جائز قرار نی ڈے سگدا۔اجلاس خصوصی طور جاری آپریشن ضرب عضب اچ پاکستان دی مسلح فوج اتے سکیورٹی اہلکاراں اتے قربانیاں کوں سراہندیں ہوئیں قومی سلا متی کوں موثر طور یقینی بنڑاونڑ اچ ہنڑ تئیں ملنڑ آلی کامیابیاں تے اطمینان دا اظہار کیتا۔اجلاس بین الاقوامی ایجنسیاں اتے دشمن ملک دے مذموم عزائم دے خلاف عسکری اتے سول انٹیلی جنس اداریاں دے کردار دی تعریف کیتی۔اجلاس پاکستان اتے افغانستان وچال موثر بارڈر منیجمنٹ سسٹم متعارف اتے نافذ کرنڑ دا فیصلہ کیتا جیڑھا جو ڈوہاں ملکاں دے فائدے اچ اے۔اجلاس اچ وزیر دفاع خواجہ آصف، وزیر داخلہ چوہدری نثار، وزیر خزانہ اسحاق ڈار، ناصر جنجوعہ ،سرتاج عزیز ، طارق فاطمی، چیئرمین جوائنٹ چیفس آف سٹاف کمیٹی جنرل راشد محمود، چیف آف آرمی سٹاف جنرل راحیل شریف، پاک بحریہ دے سربراہ ایڈمرل ذکاء اللہ اتے ڈائریکٹر جنرل انٹرسروسز انٹیلی جنس لیفٹیننٹ جنرل رضوان اختر شرکت کیتی۔
قومی سلامتی کمیٹی دا مقبوضہ کشمیر اچ وگڑدی ہوئی صورتحال تے تشویش،بھارتی سکیورٹی فورسز دی وحشیانہ استبدادی کاروائیاں دی پرزورمذمت
مضمون کا ماخذ : sorteos میگا سینا
متعلقہ مضامین
.jpg)
