لاہور۔21مارچ (اے پی پی):پوری دنیا اچ پاݨی دا عالمی ݙینھ ہر سال 22 مارچ کوں منایا ویندے ، ایں سال پاݨی دا عالمی ݙینھ پاݨی دی قدر کرو دے موضوع دے تحت منایا ویندا پئے ، ترجمان موجب زمین تے زندگی دی بقا دے نال نال نسلِ انسانی دی ترقی اتے خوشحالی اچ پاݨی دی منی ڳئی حیثیت دے پیش نظر واپڈا پاکستان اچ آبی وسائل دی ترقی کیتے کئی منصوبیں تے کم کریندا پئے ،واپڈا پاݨی دے شعبہ اچ ایں ویلھے 8 وݙے منصوبے تعمیر کریندا پئے ، انہاں منصوبیں اچ دیا مر بھاشا ڈیم ، مہمند ڈیم ، کرمی تنگی ڈیم دا پہلا مرحلہ ، نویں گاج ڈیم ، سندھ بیراج ، داسو ہائیڈرو پاور پراجیکٹ دا پہلا مرحلہ ، تربیلا دا پنڄواں توسیعی منصوبہ اتے کیال خواڑ ہائیڈرو پاور پراجیکٹ شامل ہن ، اے سارے منصوبے 2022 توں 2028-29 تئیں ہک دے بعد بئے پورے تھیسن ۔
مضمون کا ماخذ : سٹاربرسٹ
.jpg)
