راولپنڈی۔16مارچ (اے پی پی): پاک فوج دے شعبہ تعلقات عامہ (آئی ایس پی آر) موجب پاک فضائیہ دے سربراہ ایئر چیف مارشل مجاہد انور خان جی ایچ کیو دا دورہ کیتا تے آرمی چیف جنرل قمر جاوید باجوہ نال الوداعی ملاقات کیتی۔ آرمی چیف جنرل قمرجاوید باجوہ شاندارکیریئر دے دوران ایئر چیف دی خدمات دی تعریف کریندے ہوئیں آکھیے جو آپریشن سوئفٹ ریٹارٹ اچ سربراہ پاک فضائیہ شاندار قائدانہ کردار ادا کیتے۔آئی ایس پی آر آکھیے جو دہشت گردی دے خلاف جنگ اچ وی ایئر چیف دا تعاون اتے پیشہ ورانہ مہارت نمایاں رہیاں جݙاں جو معیاری قیادت اتے بھرپور کوششاں توں پاک فضائیہ دا اڄ کوئی ثانی کائنی ۔ترجمان آکھیے جو سربراہ پاک فضائیہ یادگارشہدا تے حاضری ݙتی ایں موقع تے انہاں کوں گارڈ آف آنر پیش کیتا ڳیا ۔
مضمون کا ماخذ : ٹربو چارج
.jpg)
