ترجمہ : ڈاکٹر سعدیہ کمال
پاکستان تحریک انصاف دی حکومت دے صحت اصلاحات ایجنڈے تے قومی ایکشن پلان تے عمل درآمد نال عالمی ضابطیں دے مطابق صحت دا مضبوط نظام تیار کرݨ اچ مدد مل ویسی ۔ قومی سطح تے نگرانی اتے وختی اقدام دی صلاحیت ودھاوݨ کیتے سارے اسٹیک ہولڈرز مطلوبہ استعداد کار اچ ودھارے دیاں کوششاں اچ مصروف ہن ۔ ایں مقصد کیتے پبلک ہیلتھ لیبارٹریز نیٹ ورک، رسپانس اینڈ لیگل فریم ورک اتے انٹگریٹڈ ڈیزیز سرویلینس کیتے ہک اسٹریٹجک فریم ورک تیار کیتا ڳئے۔
ایں شعبہ اچ موثر اصلاحات کیتے وفاقی حکومت ہک قومی ایکشن پلان 23۔2019ءتیار کیتے ۔ ایں طرح صحت دے صوبائی محکمے نیشنل ہیلتھ وژن دے مطابق صحت دے شعبہ کیتے اپݨی حکمت عملی کوں وی چھیکڑی شکل ݙے ݙتی اے ۔
حکومت وفاقی اتے صوبائی سطح تے ڈیزیز سرویلینس اینڈ رسپانس کیتے ایمرجنسی آپریشن سینٹرز اتے کوآرڈینیشن یونٹس وی قائم کیتن ۔ ایں طرح”ون ہیلتھ“ دے نقطہ نظر تے قومی اتے صوبائی فوکل پوائنٹس وی وضع کیتے ڳئن جݙاں جو ”صحت بارے قومی ٹاسک فورس“ وی تشکیل ݙتی ڳئی اے جیڑھے جو صحت دے نظام دی کارکردگی کوں بہتر بݨاوݨ کیتے اہم ترجیحات تے افعال دا باقاعدگی نال جائزہ گھندی پئی اے ۔
وزیراعظم دے معاون خصوصی نیشنل ہیلتھ سروسز، ریگولیشنز اینڈ کوآرڈینیشن ڈاکٹر فیصل سلطان آکھیے جو ملک اچ ہر شہری دے محفوظ اتے صحت مند مستقبل کیتے یونیورسل ہیلتھ کوریج کوں یقینی بݨاوݨ کیتے پکے اقدامات کیتے ویندے پئن
۔ انہاں آکھیے جو صحت کارڈز دے تحت یونیورسل ہیلتھ کوریج صحت دی ݙیکھ بھال دے نظام اچ انقلاب برپا کریسی ۔ انہاں اینکوں ریاست مدینہ دے اصولاں دے تحت فلاحی ریاست دے پاسے ہک وݙا قدم قرار ݙتے ۔
پاکستان انسٹیٹیوٹ آف میڈیکل سائنسز (پمز) دے جوائنٹ ایگزیکٹو ڈائریکٹر ڈاکٹر منہاج السراج آکھیے جو ہسپتال انتظامیہ وزیراعظم عمران خان دی ہدایت تے صحت اصلاحاتی ایجنڈے تے عمل درآمد کوں یقینی بݨاوݨ کیتے مختلف جدید منصوبے شروع کیتن ۔
انہاں آکھیے جو معیاری صحت دی ݙیکھ بھال دے نظام دا مقصد سرکاری شعبہ دے ہسپتالاں اچ شہریاں کوں بہتر طبی سہولتاں ݙیوݨ ہے ۔ پمز دے فرنٹ لائن ورکر موجودہ وباءدے دوران شہریاں کوں طبی سہولتاں ݙیوݨ اچ ساریں توں اڳوں رہیے ۔ اساں ایں ڳالھ کوں یقینی بݨائے جو اساݙا عملہ تعلیم یافتہ اتے تربیت یافتہ ہووے تے انہاں ݙے سارے درکار وسائل موجود ہوون ۔
فیڈرل گورنمنٹ پولی کلینک دے ڈاکٹر شریف استوری آکھیے جو بنیادی صحت دا مضبوط نظام عوام کوں انہاں دیاں ضرورتاں دے مطابق معیاری طبی سہولتاں ݙے سڳدے جیڑھا انہاں دا بنیادی حق اے ۔فیڈرل گورنمنٹ پولی کلینک ہسپتال دی انتظامیہ وفاقی دارالحکومت اچ اپݨی ڈسپنسریاں اچ بہترین خدمات ݙیوݨ کوں یقینی بݨاوݨ دی ہر ممکن کوشش کریندی پئی اے ۔ انہاں مزید آکھیے جو صحت دے شعبہ اچ اصلاحات دے تحت مختلف ڈسپنسریاں کوں اپ گریڈ کیتا ڳئے تے وفاقی دارالحکومت دے شہری انہاں ڈسپنسریاں توں مفت تشخیص اتے علاج معالجہ دیاں سہولتاں دے علاوہ مفت ویکسینیشن خدمات توں فیدہ چیندے پئن ۔
انصاف ڈاکٹرز فورم دے چیئرمین ڈاکٹر خاور سلطان پاکستانی عوام کوں صحت دیاں بہترین سہولتاں ݙیوݨ کیتے اصلاحاتی ایجنڈے کوں ہک اہم قدم قرار ݙیندے ہوئیں آکھیے جو بہتر وسائل دی دستیابی نال صحت دے نظام اچ یقیناً بہتری آسی ۔ اساݙا بنیادی مقصد نظام کوں بہتر بݨاوݨ ہووݨاں چاہیدے ۔ انہاں امید ظاہر کیتی جو حکومت ملک دے عوام خاص طور تے غریب اتے ضرورت مند لوکاں دیاں ضرورتاں کوں پورا کرݨ کیتے صحت دی ݙیکھ بھال دے نظام اچ مثبت تبدیلیاں گھن آوݨ دے حوالے نال آپݨا وعدہ پورا کریسی ۔
.jpg)
