اسلام آباد۔10فروری (اے پی پی):وزیر خارجہ مخدوم شاہ محمود قریشی آکھیے جو فارن سروس اکیڈمی دے ذریعے افسران دی استعداد کار ودھاوݨ میݙی اولین ترجیح اے ۔فارن سروس آف پاکستان ، ملکی مفادات دے تحفظ کیتے ادا کیتی ونڄݨ آلی خدمات دی ودھ ساری تے پر وقار میراث اے، پاکستانی سفارت کاری اپݨی استعداد کار توں ودھ تے کم کرݨ دی صلاحیت دا ناں اے ۔اپݨے اہداف گھنݨ کیتے جدید ٹیکنالوجی تے ذرائع ابلاغ توں فیدہ چیندے ہوئیں پبلک اتے معاشی سفارت کاری کوں بروئے کار گھن آیا ویندا پئے ۔ٻدھ کوں 40 ویں خصوصی ڈپلومیٹک کورس دی چھیکڑی تقریب توں خطاب اچ وزیر خارجہ 40 ویں خصوصی ڈپلومیٹک کورس دے شرکاء کوں کامیابی دے نال کورس مکمل کرݨ تے مبارخ ݙیندے ہوئیں آکھیے جو اڄ تساں آپݨی تسخیرِ ذات ، شعوری بالیدگی، اتے ملک و قوم دی خدمت دے سفر تے روانگی کیتے پہلا قدم چاوݨ ویندے پیو ۔ وزیر خارجہ آکھیے جو فارن سروس آف پاکستان ، ملکی مفادات دے تحفظ کیتے ادا کیتی ونڄݨ آلی خدمات دی پروقار میراث اے ۔پاکستانی سفارت کاری بارے آکھیا ویندے جو اے آپݨی استعداد کار توں ودھ تے کم کرݨ دی صلاحیت دا ناں اے ۔وزیر خارجہ شرکا کوں مخاطب کریندے ہوئیں آکھیے جو تساں ھک ایجھے ویلھے سفارت کاری کیتی دنیا اچ قدم رکھیندے پیو جݙاں منظر نامہ بدلدا پئے ، دنیا غیر یقینی صورتحال توں ݙوچار اے ،تاریخ دا پھیتا پوری طرح حرکت وچ ھے۔
.jpg)
