اسلام آباد۔6فروری (اے پی پی):وزیر اعظم عمران خان آکھیے جو وفاقی حکومت خیبر پختونخوا اچ سیاحت دے ودھارے تے جنگلات اتے ماحولیات دے تحفظ کیتے ہرممکن مدد ݙیسی،ہفتے کوں وزیراعظم نال وزیر سیفران صاحبزادہ محبوب سلطان،ارکان اسمبلی میاں شفیق آرائیں،ملک عمراسلم،محمد عامرسلطان،پرنس نواز الائی،حیدر علی خان ،پنجاب دےصوبائی وزیرسردار آصف نکئی،ایم پی اے زبیر احمد اتھاں ملاقات کیتی ۔ ایں موقع تے وزیر اعظم دے معاون خصوصی ملک عامر ڈوگر وی موجود ہن ایں موقع تے ارکان دی استدعا تے وزیر اعظم سوات موٹر وے دی مزید توسیع دا وی یقین ݙیوایا ۔اجلاس اچ ارکان دے حلقیں دے مسئلے تے ترقیاتی کماں تے وی ڳالھ مہاڑ کیتی ڳئی ۔وزیر اعظم صاحبزادہ محبوب سلطان دی استدعا تے جھنگ اچ نویں ڈسٹرکٹ ہیڈ کوارٹر ہسپتال دی تعمیر اتے شفیق آرائیں دی استدعا تے لودھراں بائی پاس دی تعمیر دا یقین ݙیوایا ۔شفیق آرائیں ملتان لودھراں بائی پاس روڈ دی آپ گریڈیشن تے وزیر اعظم دا شکریہ ادا کیتا۔حیدر علی کے پی کے اتے سوات اچ سیاحت کوں ودھاوݨ کیتے چاتے ڳئے اقدامات بارے وی ݙسایا ۔پرنس نواز الائی بٹ گرام اچ گرڈ سٹیشن اتے روڈ دی تعمیر دی منظوری تے انہاں دا شکریہ ادا کیتا ارکان دی استدعا تے وزیراعظم سروے آف پاکستان کوں ہدایت کیتی جو او وختی بٹ گرام اتے کوہستان دے ضلعیں دی حد بندی دا نوٹیفکیشن جاری کرے۔
.jpg)
