اسلام آباد۔18دسمبر(اے پی پی)وزیرِ اعظم عمران خان کرونا سے سخت حالات دے باوجود ملکی معیشت کون تکڑا کرݨ تے اپݨی معاشی ٹیم دی تعریف کریندے آکھیے جو اڄ پورے جڳ اچ پاکستان دی اوکھے ویلھے دے باوجود چنڳی معاشی کارکردگی دی تعریف تہیندی پئی اے، ہݨ اوکھا ویلھا مک ڳئے اتے ترقی دیاں نویاں راہیں کھولݨ دی منصوبہ بندی تھیندی پئی اے۔ اے ڳالھ انہاں معاشی ٹیم دے اجلاس دی صدارت کریندے آکھی جیندے اچ وفاقی وزرا مخدوم خسرو بختیار، ڈاکٹر عبدالحفیظ شیخ، حماد اظہر، اسد عمر، مشیران عبدالرزاق داؤد، ڈاکٹر عشرت حسین، گورنر سٹیٹ بنک رضا باقر، معاونِ خصوصی وقار مسعود، صوبائی وزیرِ خزانہ خیبر پختونخوا تیمور سلیم جھگڑا، صوبائی وزیرِ خزانہ پنجاب ہاشم جواں بخت اتے متعلقہ اعلیٰ افسران شرکت کیتی۔ اجلاس اچ ملکی معیشت دی بہتری، صنعتی ترقی، تعمیراتی صنعت دی ریکارڈ کارکردگی اتے ٹیکسٹائل سیکٹر دیاں ودھدیاں برآمدات اتے ترسیلاتِ زر تے اطمینان کیتا ڳیا۔ وزیرِ اعظم آکھیا جو نوجواناں اتے تعمیراتی شعبے کوں قرض نال ملکی معیشت ٻئی مستحکم تھیسی، چنڳے معاشی اشاریاں دی بہتری دے ثمرات تیکھے عام آدمی تئیں پچائے ونڄن، شکر اے جو ملک اوکھے ویلھے توں نکل آئے ہݨ خوشحالی دا دور ہوسی جیندے کیتے جامع منصوبہ بندی کیتی ویندی پئی اے۔
پورے جڳ اچ پاکستان دی اوکھے ویلھے دے باوجود چنڳی معاشی کارکردگی دی تعریف تہیندی پئی اے، ہݨ اوکھا ویلھا مک ڳئے اتے ترقی دیاں نویاں راہیں کھولݨ دی منصوبہ بندی تھیندی پئی اے، وزیراعظم عمران خان دا معاشی ٹیم دے اجلاس نال خطاب
مضمون کا ماخذ : نتیجہ بہت زیادہ
متعلقہ مضامین
.jpg)
