پاک بحریہ مزارِ اقبال تے گارڈز دے فرائض سانبھ ڳھدے

APP10-09 LAHORE: November 09 - Pakistan Navy and Pakistan Rangers during change of guard ceremony to pay homage to the Poet of the East Allama Muhammad Iqbal on his 143rd birthday anniversary at Mazar-e-Iqbal. APP Photo by Mustafa Lashari

اسلام آباد۔9نومبر (اے پی پی):آزاد ریاست دے نظریئے نال پاکستان دے قیام دی سوچ نشابر کرݨ آلے قومی شاعر ڈاکٹر علامہ محمد اقبال دے 143ویں ڄمݨ دے ݙینھ دے موقع تے انہان دے مزار تے گارڈز تبدیلی دی پروقار تقریب منعقد تھئی۔ پاک بحریہ دے چاق و چوبند دستے روایتی جوش و جذبے نال اعزازی گارڈزدے فرائض سانبھ ڳھدے ۔ جݙاں جو گارڈز دیاں ذمے واریاں توں سبکدوش تھیوݨ آلا رینجرزدا دستہ اپݨے افسر انچارج دی کمان اچ مزار دے احاطے توں رخصت تھیا ۔اسٹیشن کمانڈر (نیوی) لاہور، کموڈور محمد نعمت اللہ فرائض سابھݨ تے فرائض توں سبکدوش تھیوݨ آلے پاک بحریہ اتے پاکستان رینجرز دے دستیں دا معائنہ کیتا۔اعزازی گارڈ دی تعیناتی دے بعداسٹیشن کمانڈر (نیوی) چیف آف دی نیول اسٹاف،پاک بحریہ دے افسران، سیلرز اتے نیوی سویلینز ولوں قومی شاعر دے مزار تے پھلواں دی چادر چڑھائی۔ بعدوچ ، اسٹیشن کمانڈر فاتحہ خوانی کیتی تے مہماناں دی کتاب اچ اپݨے تاثرات درج کیتے۔ تقریب اچ ملٹری وسول افسران، طلباء و طالبات اتے عوام الناس شرکت کیتی۔

مضمون کا ماخذ : نقدی پھٹنا