وزیراعظم عمران خان دی صدارت اچ وفاقی کابینہ دا اجلاس، عوام کورونا وائرس کوں ہراوݨ کیتے ماسک پاون اتے ایس او پیز تے عمل کرن ، وفاقی وزیر اطلاعات و نشریات سینیٹر شبلی فراز دی میڈیا بریفنگ

APP32-10 ISLAMABAD: November 10 Federal Minister for Information and Broadcasting Senator Shibli Faraz addressing a press conference at PID Media Centre. APP photo by Irshad Sheikh

اسلام آباد۔10نومبر(اے پی پی)وفاقی کابینہ سارے ملک اچ کورونا وائرس دے مثبت کیساں اتے اموات ودھݨ تے عوام توں اپیل اے جو کوویڈ 19 مہلک بیماری اے، او ماسک پاوݨ اتے ایس او پیز تےعمل کر تے ایں بیماری کوں ہرا سڳدن،روزگاراتے وپار دے علاوہ کورونا وائرس کھنڈاوݨ آلے شعبیاں تے پابندیاں لایاں ویسن،حکومت وی کوئی عوامی اجتماع نہ کریسی، وفاقی کابینہ غریب اتے وچلے طبقے کوں ریلیف ݙیوݨ کیتے 4ٹریلین دی سبسڈی سانڳے ٹارگٹڈ سبسڈی ڳھن آوݨ، کݨک دی آوݨ آلی فصل دی امدادی قیمت 1650روپے فی 40 کلو گرام بوری مقرر کرݨ اتےسعودی حکومت ولوں تجویز کیتی ڳئی ڈیجٹیل کوآپریشن آرگنائزیشن دے قیام دی منظوری ݙے ݙتی اے۔ وفاقی وزیر اطلاعات و نشریات سینیٹر شبلی فراز وزیراعظم عمران خان دی زیر صدارت وفاقی کابینہ دے اجلاس توں بعد میڈیا کوں بریفنگ ݙیندے ݙسایا جوکابینہ کوں معاون خصوصی محصولات ڈاکٹر وقار مسعود سبسڈی اتے گرانٹس دے طریقہ کار کوں چنگا بݨاوݨ سانگے بریفنگ ݙتی۔ کابینہ کوں پچھلے 13سال دا محصولات و اخراجات ، سبسڈی اتے گرانٹس دا معاشی تقابلی جائزہ پیش کیتا۔ کابینہ کوں ݙسایا گیا جو اوسطاً قرضیاں دی ادائیگیاں نال اخراجات دی شرح محصولات توں ودھ ہئی۔ وزیراعظم آکھیا جو سبسڈی اتے گرانٹس دا اصل حق دارغریب طبقہ اے، ٹارگٹڈ سبسڈی دا اینجھا طریقہ کار ݙتا ویسی جیندا فیدہ غریب طبقے اتے پسماندہ علاقیں کوں ملسی، سارے شعبیاں دا تفصیلی جائزہ ڳھدا ویسی جیندے نال غریب اتے پسماندہ علاقیں کوں ٹارگٹڈ سبسڈی ݙتی ونڄ سڳدی اے اتے جامع منصوبہ عمل درآمد طریقہ کار دے نال پیش کیتا ونڄے۔ کابینہ ٹریڈ ڈویلپمنٹ اتھارٹی آف پاکستان کوں جغرافیائی انڈیکیشن رجسٹریشن سانگے رجسٹرنٹ(Registrant) دی حیثیت ݙیوݨ دی منظوری ݙتی ۔کابینہ کݨک دی آوݨ آلی فصل دی امدادی قیمت 1650روپے فی 40 کلو گرام بوری مقرر کرݨ دی منظوری ݙے ݙتی۔ وفاقی وزیر اسد عمر کابینہ کوں کرونا وبا پاروں صورتحال ݙسائی۔

مضمون کا ماخذ : قزاقوں کی کافی مقدار