اسلام آباد ۔ 14 اگست (اے پی پی) چوڈاں اگست 2020کوں پاکستان سودھے دنیا دے مختلف ملکاں اچ رہنڑ آلے پاکستانیاں 74واں آزادی دا ڈینھ ایں عزم دی تجدید دے نال منائے جو ملک کوں حقیقی اسلامی فلاحی ریاست بنڑاونڑ کیتے تحریک پاکستان جیہے جذبے نال کم کیتا ویسی ۔ڈینھ دی شروعات وفاقی دارالحکومت اسلام آباد اچ 31جڈاں جو صوبائی دارالحکومتاں اچ اکوی ، اکوی توپاں دی سلامی نال تھیا۔ نماز فجر دی ادائیگی دے بعد مسیتاں تے گھراں اچ پاکستان دی سلامتی تے عوام دی فلاح بہبود کیتے خصوصی دعائیں منگیاں گیاں ۔ ساریاں اہم سرکاری تے نجی عمارتاں تے قومی پرچم لاتے گئن ۔ سرکاری و نجی عمارتاں سمیت گلیاں ،بازاراں اتے مارکیٹاں کوں گزریل رات توں ہی لائٹاں نال روشن کیتا گیا ۔ریڈیو پاکستان دی رپورٹ موجب کراچی اچ مزار قائد اعظم محمد علی جناح تے گارڈز دی تبدیلی دی مرکزی تقریب منعقد تھئی ۔ پاک بحریہ دے 64 کیڈٹس تے مشتمل چاق و چوبند دستے مزار تے گارڈز دے فرائض سانبھ گھدے ۔ صوبائی دارالحکومت اچ ڈینھ دی شروعات 21توپاں دی سلامی نال تھیا ۔مسیتاں اچ ملک دی ترقی اتے خوشحالی کیتے خصوصی دعائیں کیتیاں گیاں ۔یوم آزادی دے سلسلے وچ حضوری باغ لاہور اچ ہک خصوصی تقریب منعقد تھئی جتھاں وزیراعلیٰ پنجاب سردار عثمان بزدار پرچم لہرایا۔ مزار اقبال تے گارڈز دی تبدیلی دی پروقار تقریب منعقدتھئی پاک فوج دے چاق و چوبند دستے مزار اقبال تے گارڈز دے فرائض سانبھ گھدے ۔ وزیراعلیٰ پنجاب سردار عثمان بزدار شاعر مشرق علامہ محمد اقبال دے مزار تے حاضری ڈتی۔رپورٹ موجب مزار اقبال تے انہاں پھلاں دی چادر چڑھائی ، فاتحہ پڑھی اتے مہماناں دی کتاب اچ آپ دے تاثرات وی درج کیتے۔ کوئٹہ اچ بلوچستان اسمبلی دے سبزہ زار اچ پرچم لاونڑ دی تقریب تھئی جتھاں وزیراعلیٰ بلوچستان جام کمال خان پرچم لہرایا ۔ صوبے اچ ڈینھ دا آغاز21 توپاں دی سلامی نال تھیا ملک دی ترقی تے خوشحالی کیتے خصوصی دعائیں کیتیاں گیاں ۔خیبرپختونخوا اچ وی ڈینھ دی شروعات 21 توپاں دی سلامی نال تھیا ملک دی ترقی تے خوشحالی کیتے خصوصی دعائیں کیتیاں گیاں ۔گلگت بلتستان اتے ازاد کشمیر اچ وی آزادی دے موقع تے خصوصی تقریباںد ا انعقاد کیتا گیا تے پرچم لاتے گئن ۔ سمندر پار مقیم پاکستانی برادری یوم آزادی کوں شایان شان طریقے نال منائے تے پاکستانی مشنز و سفارتخانیں اچ خصوصی تقریباں منعقد کیتیاں گئن ۔ باہرلے ملک رہنڑ آلے پاکستانیاں ودھ ساری تعداد اچ آزادی دے ڈینھ دیاں تقریباں اچ شرکت کیتی ۔
چوڈاں اگست 2020کوں پاکستان سودھے دنیا دے مختلف ملکاں اچ رہنڑ آلے پاکستانیاں 74واں آزادی دا ڈینھ ایں عزم دی تجدید دے نال منائے جو ملک کوں حقیقی اسلامی فلاحی ریاست بنڑاونڑ کیتے تحریک پاکستان جیہے جذبے نال کم کیتا ویسی
مضمون کا ماخذ : نمبروں دا میگا سینا
متعلقہ مضامین
.jpg)
