اسلام آباد ۔ 23 جولائی (اے پی پی) وزیر خارجہ مخدوم شاہ محمود قریشی آکھیے جو اساں غیر ملکی میڈیا نمائندیاں کوں لائن آف کنٹرول دا دورہ کرائے،کیا بھارت اے جرات کر سگدے جو او آزاد صحافیاں کوںمقبوضہ کشمیر گھن ونجے۔ہک بیان اچ انہاں آکھیے جوغیر ملکی میڈیا نمائنداں دا لائن آف کنٹرول دا دورہ بہوں اہم ہئی،ہندوستان دا دوہرا معیار اے،غیر ملکی میڈیا درخواست کیتی تاں اساں خوش آمدید آکھیے جو آو آ تے ساری صورتحال اپنڑی اکھیں نال ڈیکھ گھنو۔شاہ محمود قریشی آکھیے جو بھارت عالمی قوانین دی خلاف ورزیاں کرینداں پئے، لائن آف کنٹرول تے جانڑ بجھ تے شہریاں کوں چٹیا ویندے تہوں بھارت اقوام متحدہ دے مبصرین کوں محدود رکھدے اتے سچ لکاونڑ دی کوشش اچ اے۔انہاں آکھیے جو بنگلہ دیش سودھا سارے ہمسایہ ملکاں نال تعلقات چنگے تھیندے پین جڈاں جو بھارت کلہا تھیندا ویندے ایندی وجہ اوندی ” ہندتوا ”سوچ اے،مودی دیاں پالیسیاں پاروں ہک سال اچ ”شائننگ انڈیا”دا امیج بڈگئے۔
.jpg)
