اسلام آباد ۔ 15 جولائی (اے پی پی) صدر مملکت ڈاکٹر عارف علوی آکھیے جو معیشت، تعلیم اتے سرمایہ کاری دی ڈیجیٹلائزیشن نال پاکستان تکھے ترقی کریسی ، پاکستان تکھے جدید ٹیکنالوجی آلے پاسے امدا پئے ، مستقبل اچ بہوں سارے امور دی انجام ڈیونڑ انٹرنیٹ دے توسط نال مزید سوکھا تھی ویسی ، سٹیٹ بینک اجوکے سال اکتوبر اچ آن لائن ادائیگیاں شروع کرنڑ تے کم کریندا پئے ، کورونا وبا دے دوران صحت ،تعلیم اتے کاروباری شعبے وچ انٹرنیٹ دی منگ اچ ودھارا تھئے ،عید الاضحی دے موقع تے مال ڈھور دیاں منڈیاں ، بازاراں اتے عید نماز دے دوران ایس او پیز تے عمل درآمدا یقینی بنڑایا ونجے ۔اے گال انہاں بدھ کوں ہائی سپیڈ موبائل براڈ بینڈ پروجیکٹ متعلق مفاہمت دی یادداشت تے دستخط دی تقریب نال خطاب کریندے ہوئیں آکھی اے ۔انہاں آکھیے جو کورونا وبا دے دوران آن لائن تعلیم دا سلسلہ شروع کیتا گیا لیکن جیرھے علاقیں اچ تکھی رفتار انٹر نیٹ کائناں ہئی اتھاں تعلیم ٹیلی وژن دے ذریعے سلسلہ برقرار رکھیا ۔مستقبل وچ بہوں سارے امور انجام ڈیونڑ کیتے انٹرنیٹ دے توسط نال مزید سوکھا تھی ویسی ۔ صدر مملکت آکھیے جو معیشت، تعلیم اتے سرمایہ کاری دی ڈیجیٹلائزیشن نال پاکستان تکھے ترقی کریسی ۔ایندے توں پہلے ہائی سپیڈ موبائل براڈ بینڈ منصوبے متعلق معاہدے تے دستخط دی تقریب تھئی جیں دے تحت جنوبی پنجاب دے ضلعیں مظفر گڑھ اتے راجن پور سمیت پرے دے علاقیں کیتے موبائل انٹرنیٹ دی سہولت میسر آسگسن۔ معاہدے تے یونیورسل سروس فنڈ دے چیف ایگزیکٹیو آفیسرعارف چوہدری اتے ٹیلی نار پاکستان دے چیف ایگزیکٹیو آفیسر عرفان وہاب دستخط کرڈتے ۔
معیشت، تعلیم اتے سرمایہ کاری دی ڈیجیٹلائزیشن نال پاکستان تکھے ترقی کریسی ، صدر مملکت ڈاکٹر عارف علوی دا ہائی سپیڈ موبائل براڈ بینڈ پروجیکٹ متعلق مفاہمت دی یادداشت تے دستخط دی تقریب توں خطاب
مضمون کا ماخذ : raspadinha آن لائن مفت
متعلقہ مضامین
.jpg)
