وزیراعظم دے مشیر خزانہ ڈاکٹر عبدالحفیظ شیخ دی زیرصدارت کابینہ دی اقتصادی رابطہ کمیٹی دا اجلاس

APP26-03 ISLAMABAD: June 03 Adviser to the Prime Minister on Finance and Revenue, Dr. Abdul Hafeez Shaikh chairing meeting of the Economic Coordination Committee (ECC) of the Cabinet. APP

اسلام آباد ۔ 3 جون (اے پی پی) کابینہ دی اقتصادی رابطہ کمیٹی (ای سی سی) درآمدی پیٹرولیم مصنوعات دیاں قیمتاں دے حوالے نال وزیراعظم دے معاون خصوصی برائے پیٹرولیم ندیم بابر دی قیادت اچ کمیٹی بنڑا ڈتی اے کمیٹی درآمد شدہ پیٹرولیم مصنوعات دیاں قیمتاں دے ضیان توں بچنڑ کیتے مختلف آپشنز دا جائزہ گھنسے ۔ای سی سی دا اجلاس بدھ کوں وزیراعظم دے مشیربرائے خزانہ ومحصولات ڈاکٹر عبدالحفیظ شیخ دی زیرصدارت منعقد تھئے،اجلاس اچ عدالت عظمیٰ دے فیصلیں، آبزرویشنز اتے پاکستان سٹیل ملز دے حوالے نال عدالتاں اچ زیر سماعت مقدمیں دی روشنی اچ پاکستان سٹیل ملز دے ہیومن ریسورس رئیلائزیشن منصوبہ دی پوری تے حتمی منظوری ڈتی گئی ۔اجلاس اچ مختلف بین الاقوامی اداریں اتے مقامی شراکت داراں نال مشاورت دے بعد وزارت توانائی دی تجویزپر درآمد شدہ پیٹرولیم مصنوعات دیاں قیمتاں اچ ضیان توں بچنڑ دا جائزہ گھدا گئے، اجلاس اچ ایںضمن اچ وزیراعظم دے معاون خصوصی ندیم بابر دی قیادت اچ کمیٹی دے قیام دی منظوری ڈتی ، کمیٹی اچ سٹیٹ بنک، پاکستان سٹیٹ آئل، وزارت خزانہ، وزارت قانون اتے وزارت منصوبہ بندی دے نمائندے شامل ہوسن ، کمیٹی ہک یا ڈو سالاں کیتے موجودہ برینٹ دے سٹاک قیمت ، جڈاں تئیں فیس قابل قبول حد دے اندرہووے، 12 برابر ماہانہ مقدار دے حساب نال 15 ملین بیرل خام تیل دی خریداری کیتے مختلف کال آپشنز داجائزہ گھنسے ۔اقتصادی رابطہ کمیٹی ملک دے کجھ شہراں اچ پٹرول دی قلت دا وی جائزہ گھدا ۔وزارت توانائی دی تجویزتے ای سی سی عدالت عظمیٰ دی ہدایات دی روشنی اچ ستمبر 2003 اچ وزیراعظم دے گیس پیداکرنڑ آلے فیلڈ دے 5 کلومیٹر دی حدود اچ واقع دیہات کوں گیس ڈیونڑ داے اعلان تے عمل درآمد کیتے وزارت خزانہ کوں ہک ارب جاری کرنڑ دی ہدایت کیتی ۔ اجلاس اچ وزارت داخلہ، نیب، ریونیوڈویژن ،کابینہ ڈویژن، قومی ورثہ وثقافت ڈویژن، فنانس ڈویژن، وفاقی تعلیم وپیشہ وارانہ تربیت، کمیونیکیشن اتے مذہبی امورسمیت مختلف وزارتاں اتے ڈویژنز کیتے 12 تکنیکی ضمنی گرانٹس دی منظوری ڈتی گئی ۔

مضمون کا ماخذ : فروٹ شاپ