لاہور۔9مارچ(اے پی پی )چیف جسٹس لاہور ہائی کورٹ جسٹس مامون رشید شیخ آکھیے جو صرف قانون دا امتحان پاس کر نڑ تے کجھ سال دی پریکٹس دے بعد جج بنڑ ونجنڑ نال سارے قانون دی آگاہی نی ملدی بلکہ قانون دا علم سکھنڑ ہک مسلسل عمل اے ، جدید دور دے تقاضیں دے مطابق پرانڑیں قانون اچ ترمہم تے نویں قانون دا اجرا ہوندا رہندے ،قانون تے مکمل عبور کیتے ضروری اے جو سکھنڑ تے پڑھنڑ دے عمل کوں جاری رکھیا ونجے ۔اے گال انہاں سنوار کوں پنجاب جوڈیشل اکیڈمی اچ جنرل ٹریننگ پروگرام دے تحت ماتحت عدلیہ دے ایڈیشنل سیشن ججز و سول ججز دے14ویں تربیتی کورس دے افتتاحی سیشن نال خطاب کرینیدے ہوئیں آکھی اے ۔ایں موقع تے ڈی جی پنجاب جوڈیشل اکیڈمی حبیب اللہ عامر، رجسٹرار لاہور ہائیکورٹ اشترعباس، ڈی جی ڈسٹرکٹ جوڈیشری ریحان بشیر اتے سیشن جج ہیومن ریسورس ساجد علی اعوان سمیت اکیڈمی دے انسٹرکٹرز اتے افسران وی موجود ہن ۔چیف جسٹس لاہور ہائیکورٹ آکھیے جو جنرل ٹریننگ پروگرام 2019-20 دے تحت 70 فیصد جوڈیشل افسراں کوں تربیتی کورس کروائے گن، ججز کیتے تربیتی کورسز بہوں ضروری ہن ،انہاں آکھیے جو بہترین انصاف دی فراہمی اساڈا بنیادی فرض اے۔ اگر بار ایسوسی ایشنز ہڑتال کلچر مکاونڑ دی گال کیتی اے تاں ججاں کوں وی غیر ضروری تاریخاں نی ڈیونڑیاں چاہیدیاں ۔انہاں ججاں کوں اپنڑے کم دے نال نال جسمانی صحت دا خیلا رکھنڑ دی وی تلقین کیتی ۔
قانون تے عبور کیتے سکھنڑ دے عمل کوں جاری رکھیا ونجے ، چیف جسٹس لاہور ہائی کورٹ
مضمون کا ماخذ : میگا ملینز کی پیشن گوئی
متعلقہ مضامین
.jpg)
