اسلام آباد ۔ 10 جنوری (اے پی پی) وزیر خارجہ شاہ محمود قریشی آکھیے جو پاکستان تے ایران وچال پرانڑیں ،تاریخی ،مذہبی تے کثیرالجہتی برادرانہ تعلقات ہن ،پاکستان خطے اچ جھیڑا گھٹ کراونڑ کیتے اپنڑاں مثبت کردار ادا کیتے پرعزم اے ۔۔ترجما ن دفتر خارجہ دے مطابق اے گال انہاں پاکستان اچ نویں ایرانی سفیر سید محمد علی حسینی نال گال مہاڑ کریندے ہوئیں آکھی اے جنہاں جمعے کوں انہاں نال اتھاں ملاقات کیتی۔اے ملاقات وزیر خارجہ دے چیمبر پارلیمنٹ ہاوس اچ تھئی ۔دوران ملاقات ،ایران امریکہ کشیدگی اتے خطے اچ امن و امان دی صورتحال تے گال مہاڑ کیتی گی۔ وزیر خارجہ مخدوم شاہ محمود قریشی بطور سفیر پاکستان تعیناتی تے سید محمد علی حسینی کوں مبارخ ڈتی تے خوش آمدید آکھیا ۔ وزیر خارجہ آکھیا میکوں توقع اے جو تساں جیہے منجھے ہوئے سفارت کار دی تعیناتی نال پاک ایران تعلقات مزید مستحکم تھیسن ۔ شاہ محمود قریشی آکھیا جو خطے اچ ودھدا جھیڑا کہیں دے مفاد اچ کائنی ،خطے دے مختلف ملکاں نال رابطے اچ ہم ۔وزیراعظم عمران خان دی خصوصی ہدایت تے وختی ایران سمیت اہم باہرلے دوریں تے روانہ تھیندا پیاں ۔ایرانی سفیر محمد علی حسینی وزیر خارجہ مخدوم شاہ محمود قریشی دا شکریہ ادا کریندے ہوئیں ،پاک ایران ڈو پاسے تعلقات کوں مزید ودھاونڑ کیتے اپنڑیاں کوششاں بروئے کار گھن آونڑ دا یقین ڈیوایا ۔
وزیر خارجہ شاہ محمود قریشی نال نویں ایرانی سفیر سید محمد علی حسینی دی ملاقات
مضمون کا ماخذ : پشاور لاٹری
متعلقہ مضامین
.jpg)
