اسلام آباد ۔ 31 دسمبر (اے پی پی) وزیر مملکت موسمیاتی تبدیلی زرتاج گل آکھیے جو 2020ملک دی ترقی تے خوشحالی دا سال ثابت تھیسی ، وزیراعظم عمران خان الیکشن جتنڑ دی نی بلکہ نویں نسل دے مستقبل کوں روشن بنڑاونڑ دی گال کریندن ، پلاسٹک دے شاپر استعمال کرنڑ کوں روکنڑ کیتے عوام اساڈا ساتھ ڈیندی پئی اے ، جیں دی ملک دی دولت لٹی اے انکوں حساب ڈیونڑاں پوسی ، وزارت موسمیاتی تبدیلی گرین انٹر پرینیور شپ پروگرام شروع کیتے جیں دے ذریعے ہزاراں تریمتاں تے خواجہ سرا دی تربیت کیتی ویسی تاں جو او ماحول دوست شاپنگ بیگ تیار کرتے اپنڑی آمدن ودھا سگدن ، اے گال انہاں” اے پی پی“ نال خصوصی گال مہاڑ کریندے ہوئیں آکھی اے۔زرتاج گل آکھیے جو ملک ترقی دے رستے تے ٹر پئے 2020ءملکی خوشحالی دا سال ثابت تھیسی۔انہاں آکھیے جو ملک کوں وزیراعظم عمران خان دی ضرورت اے او اپنڑے دانشمندانہ فیصلیں نال وختی ملک کوں اوکھ توںکڈھیسن تے قوم کوں مایوس کائناں کریسن، پاکستان تحریک انصاف دی حکومت اقتدار اچ آونڑ دے بعد ساریں توں ودھ توجہ بلاتفریق احتساب، ماحولیاتی آلودگی تے قابوپاونڑ تے عوام دا معیار زندگی اچا کرنڑ کیتے احساس پروگرام تے توجہ کررکھی اے ، انہاں آکھیے جو ایں ویلھے ملک کوں سرحداں توں ودھ خطرہ موسمیاتی تبدیلی توں اے کیوں جو ایں دور اچ موسمیاتی تبدیلی دا ہک وڈا مسئلہ بنڑدا ویندے ودھ سارے مینھ،سیلاب، خشک سالی اتے بئی آفات توں زراعت دا شعبہ متاثر تھیندا پئے، انہاں آکھیے جو اساڈی وزارت تھوڑے وقت اچ اہم ہدف حاصل کیتن تے اساں وزیراعظم دے کلین اینڈ گرین پاکستان منصوبے ،سالڈ ویسٹ مینجمنٹ ،پیونڑ دے صاف پانڑیں تے بئے منصوبیں تے کم کریندے پیوں ۔
حکومت مہانگ قابو کرنڑ کیتے ہنگامی اقدامات کریندی پئی اے ،2020ترقی تے خوشحالی دا سال ہوسی ، وزیر مملکت موسمیاتی تبدیلی زرتاج گل
مضمون کا ماخذ : aplicativos de apostas loteria
متعلقہ مضامین
.jpg)
