اسلام آباد ۔ 27 نومبر (اے پی پی) وزیراعظم دے معاون خصوصی برائے صحت ڈاکٹر ظفر مرزا آکھیے جو لیڈر شپ دی نیت چنگی ہووے تاں ساریاں مشکلاں حل تھی سگدن ،چنگاں لیڈر ہی چنگی ٹیم بنڑیندے۔حکومت دا وژن بنیادی صحت دیاں ساریاں سہولتاں ڈیونڑ اے۔ اے گال انہاں آبپارہ زچہ بچہ سنٹر پولی کلینک دی اپ گریڈیشن دی افتتاحی تقریب نال خطاب کریندے ہوئیں آکھی اے ،انہاں آکھیے جو اتھاں آونڑ دے بعد خوشگوار احساس تھئے کیوں جو لیڈر شپ بھاویں کہیں ملک دی ہووے یا کہیں ادارے دی اگر لیڈر شپ ایماندار ہوسی تاں چنگی ٹیم بنڑسی تے چنگی ٹیم ہی اداریں کوں چنگے انداز اچ چلیندی اے ۔انہاں زچہ بچہ سنٹر دی وختی تکمیل کیتے ڈاکٹر شعیب دے اقدامات دی تعریف کریندے ہوئیں آکھیا جو ایں سینٹر کوں ترائے مہینے اچ اپ گریڈ کرنڑ تے سارے مسئلے تے قابو پاونڑ انہاں دی وڈی کامیابی اے ،انہاں آکھیا جو وفاقی دارالحکومت اچ 19ہیلتھ سنٹر موجود ہن لیکن او فنکشنل کائناں ہن ،انہاں آکھیا جو موجودہ حکومت دا وژن صحت دیاں ساریاں سہولتاں ڈیونڑ اے ایں مقصد کیتے ماڈل ہیلتھ سسٹم بنڑیندے پیوں جیں دی بنیاد پرائمری ہیلتھ کیئر ہوسی ۔
لیڈر شپ دی نیت چنگی ہووے تاں ساریاں مشکلاں حل تھی سگدن ،حکومت دا وژن بنیادی صحت دیاں ساریاں سہولتاں ڈیونڑ اے ،ڈاکٹر ظفر مرزا
مضمون کا ماخذ : آزاد کشمیر لاٹری
متعلقہ مضامین
.jpg)
