اسلام آباد ۔ 6 اکتوبر (اے پی پی) وفاقی وزیر منصوبہ بندی مخدوم خسرو بختیار آکھیے جو چین نال ڈوطرفہ تعلقات کوں نویاں اچایاں تئیں گھن ویسوں،سی پیک منصوبہ نہ صرف پاکستان دی ترقی بھل خطے دے مربوط رابطیاں دا ذریعہ بنڑن سودھا پورے خطے دی معیشت کیتے ہک موثر پلیٹ فارم بنڑسی، 2022ءتئیں پاکستان دی شرح نمو 6فیصد تئیں پجنر دی توقع اے، ملتان سکھر موٹروے دا افتتاح نومبراچ تھیسی، خصوصی اقتصادی زونز کوں گیس اتے بجلی دی فراہمی حکومت دی اولین ترجیح اے، وزیراعظم دے دورہ چین اچ ایم ایل ون تے باضابطہ گالھ تھیسی،نومبر اچ ڈوہاں ملکاں دی جوائنٹ کوارڈینیشن کونسل (جے سی سی)دا اجلاس متوقع اے، سی پیک اچ انسانی وسائل دی ترقی اتے سائنس و ٹیکنالوجی کو ں رلاونڑ دی کوشش کریسوں۔اسلام آباد اچ پریس کانفرنس کریندے انہاں آکھیا جو گوادراچ 300میگاواٹ بجلی دے منصوبے دا مسئلہ حل تھی گئے،مارچ اچ ائرپورٹ دا افتتاح وزیراعظم کریسن،سارے منصوبے ویلھے تے مکمل تھیسن،ملکی معیشت تکڑی تھیندی پئی اے،ایندے کیتے توانائی دی لوڑھ پوسی۔ انہاں آکھیے جوحکومت پہلے سال اچ کرنٹ اکاﺅنٹ خسارے تے قابو پا گھدے،زرعی شعبہ دی مربوط پالیسی بنڑائی اے، بزنس ٹو بزنس تعاون ودھاونڑ تے خصوصی توجہ اے۔ انہاںا ٓکھیے جو ملتان، سکھر موٹروے تے ٹریفک چلدی پئی اے،ایندا باضابطہ افتتاح نومبراچ تھیسی، فیصل آباد اچ خصوصی اقتصادی زون دسمبراچ شروع تھیسی۔
سی پیک پاکستان سودھا پورے خطے دے ملکاں دی معیشت کیتے موثر پلیٹ فارم بنڑسی، 2022ءتئیں پاکستان دی شرح نمو 6فیصد تھیونڑ دی توقع اے، ملتان سکھر موٹروے دا افتتاح نومبراچ تھیسی، وفاقی وزیر منصوبہ بندی مخدوم خسرو بختیار
مضمون کا ماخذ : کڑک
متعلقہ مضامین
.jpg)
