وزیراعظم عمران خان دی اگوانڑی اچ پاکستان ہر محاذ تے کامیاب تھیندا پئے،بھارتی جارحیت دے نال نال فسادٹولے نال وی مقابلہ کریسوں،ڈاکٹر فردوس عاشق اعوان دی پریس کانفرنس

APP36-20 SIALKOT: October 20 Special Assistant to the Prime Minister on Information and Broadcasting Dr Firdous Ashiq Awan addressing press conference at Gul Behar. APP photo by Munir Butt

سیالکوٹ۔ 20 اکتوبر (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو ہک پاسو پاکستان بھارتی جارحیت دا مقابلہ کرنڑے تاں بئے پاسے جیل دے قیدیاں دے اشارے تے روز ہک نویں فلم چلاونر آلیاں دے ایجنڈے کوں ناکام بنڑیندے ہوئے بے نقاب کرنڑے،وزیراعظم عمران خان دی اگوانڑی اچ پاکستان ہر محاذ تے کامیاب تھیندا پئے،بھارتی جارحیت دے نال نال فسادٹولے نال وی مقابلہ کریسوں،کرتار پور راہداری کھلنڑ کوں تیار اے۔ اے گالھ انہاں سیالکوٹ اچ پریس کانفرنس کریندے آکھی۔ انہاں آکھیا جو قیام پاکستان مخالف ٹولے دیاں اولاداں اج استحکام پاکستان دی راہ اچ روڑے اٹکاونڑ، فساد چاہندن بھل وزیراعظم عمران خان دی اگوانڑی اچ پاکستان ایویں ہی کامیابی نال اگو تے ٹردا راہسی اتے سازشیاں دی ہراڑنگی ہتھو پٹھی پوسی۔ انہاں آکھیے جو ہک پاسو ملک و قوم دی ترقی ،کشمیریاں نال ہتھ ونڈاونڑ دابیانیہ اے تاں ڈوجھے پاسو پاکستان اچ ملک کوں عدم استحکام وات گھن آونڑ دیاں کوششاں تھیندیاں پین،سیاسی یتیم ہنڑمولانا دے تانگے دی ڈنی تے ٹنگیج تے پاکستان دی معیشت کوں ودھنڑ توں روکنڑ چاہندن بھل اپوزیشن دا ہر منفی ہتھکنڈااپنڑی موت آپ مردا پئے،ایف اے ٹی ایف اچ بھارتی سازش دی ناکامی،عالمی اداریاں دا پاکستانی معیشت تے اطمینان اصل اچ عمران خان دے وژن دی کامیابی اتے اعتماد دا اظہار اے۔

مضمون کا ماخذ : امکان ہے کہ میگا سینا