اسلام آباد ۔ 04 جولائی (اے پی پی)بین الاقوامی ہوائی اڈہ اسلام آباد توں عازمین حج دی پاکستان اچ امیگریشن دے منصوبے روڈ ٹو مکہ تے عمل درآمد شروع تھی گے ،ایں سال اسلام آباد ائیر پورٹ تے 22ہزار جڈاں جو آندے سال لاہور ،پشاور ،کوئٹہ ،کراچی ائیر پورٹس تے وی عازمین حج دی امیگریشن تھیسی ۔خمیس کوں وفاقی وزیر مذہبی امور پیرنور الحق قادری ،وفاقی وزیر ہوا بازی غلام سرور خان سعودی نائب وزیر حج و عمرہ سید حسین الشریف ، ڈائریکٹر جنرل امیگریشن سعودی عرب جنرل سلیمان عبدالعزیز السلیمی ، سعودی عرب دے سفیر نواف سعیدالمالکی دے رلے بین الاقوامی ہوائی اڈہ اسلام آباد تے روڈ ٹو مکہ منصوبے دا جائزہ گھننڑ کیتے دورہ کیتا ،سعودی امیگریشن کاﺅنٹر تے امیگریشن عملے اتے امیگریشن کیتے آونڑ آلے عازمین حج نال وی ملاقات کیتی تے سہولتاں متعلق پچھیا۔سعودی عرب روانہ تھیونڑ آلی پہلی پرواز کوں الوادع آکھنڑ کیتے ائیر پورٹ تے پروقار تقریب کرائی گئی ۔وفاقی وزیر مذہبی امور و بین المذاہب ہم آہنگی پیرنورالحق قادری تقریب نال خطاب کریندے ہوئیں آکھیا جو خمیس توں بین الاقوامی ہوائی اڈہ اسلام آباد تے روڈ ٹو مکہ منصوبے دا آغاز تھی گے ، وزیراعظم صبحائیں جمعے کوں ایں منصوبے دا منڈھ بدھیسن ۔انہاں آکھیا سعودی ولی عہد محمد بن سلمان دے دورہ پاکستان دے موقع تے وزیراعظم عمران خان دی درخواست تے انڈونیشیا تے ملائیشیاءدے بعد پاکستان کوں وی ایندی سرزمین تے عازمین حج دی امیگریشن دی سہولت ملدی پئی اے ،۔انہاں آکھیا جو سعودی حکومت یقین ڈیوائے جو اسلام آباد ائیر پورٹ تے روڈ ٹو مکہ منصوبہ کامیاب تھیونڑ تے آندے سال پشاور ،کراچی ،لاہور اتے کوئٹہ ایئر پورٹس تے وی اے سہولت ڈتی ویسی ۔انہاں آکھیا ہک لکھ 24 ہزار انبیاءکرام اچوں بہوں سارے انبیاءحج دا فریضہ ادا کیتا ،حضرت محمد ﷺوی اے فریضہ سرانجام ڈتا ایندے بعد مسلمان انبیاءدی سنت ادا کریندے پن ۔
اسلام آباد توں عازمین حج دی پاکستان اچ امیگریشن دے منصوبے روڈ ٹو مکہ تے عمل درآمد شروع تھی گئے، وزیراعظم صبحائیں باقاعدہ افتتاح کریسن، وفاقی وزیر مذہبی امور پیرنور الحق قادری
مضمون کا ماخذ : لوٹیریا کا اطلاق
متعلقہ مضامین
.jpg)
