جاری مالی سال 2018-19ءدا اقتصادی سروے جاری کر ڈتا گئے ،مشیر خزانہ دا معاشی استحکام اتے اداریاں دی چنگائی سانگے ست نکاتی حکمت عملی دا اعلان

APP52-10 ISLAMABAD: June 10 - Advisor to Prime Minister on Finance, Revenue and Economic Affairs Abdul Hafeez Shaikh addressing during launching ceremony of Pakistan Economic Survey 2018-19. APP photo by Irshad Sheikh

اسلام آباد ۔ 10 جون (اے پی پی)مشیر خزانہ جاری مالی سال 2018-19ءدا اقتصادی سروے جاری کریندے ہوئیں معاشی استحکام اتے اداریاں دی چنگائی سانگے ست نکاتی حکمت عملی دا اعلان وی کیتا۔انہاں سنوار کوں جاری مالی سال 2018-19ءدا اقتصادی سروے جاری کریندے ہوئیں آکھیا جوزرعی شعبے دی شرح نمو 0.9 فیصد، صنعتی شعبے دی 1.4 فیصد، خدمات دے شعبے دی 4.7 فیصد اتے عبوری جی ڈی پی دی شرح نمو دا تخمینہ 3.3 فیصد، جنگلات دے شعبے دی شرح نمو 6.47 فیصد، کان کنی دے شعبہ دی شرح نمو منفی 1.6 فیصد، تھوک اتے پرچون دی تجارت آلے شعبہ دی شرح نمو 3.1 فیصد، مواصلات دے شعبہ دی شرح نمو 3.34 فیصد، ریلوے شعبے دی شرح نمو 38.93 فیصد، فضائی نقل و حمل دے شعبے دی شرح نمو 3.38 فیصد، روڈ ٹرانسپورٹ دے شعبہ دی شرح نمو 3.85 فیصد، مالیات اتے بیمہ دے شعبہ دی شرح نمو 5.14 فیصد، عمومی حکومتی خدمات دے شعبہ دی شرح نمو 7.9 فیصد ، بجلی اتے گیس دے شعبے دی شرح نمو 40.54 فیصد رہی۔ جاری مالی سال دوران کنڑک دی پیداوار 25.195 ملین ٹن ریکارڈ کیتی گی،جیرھی جو پچھلے مالی سال توں 0.5 فیصدودھ ہے، زرعی شعبے دی شرح نمو 2018-19 دے3.8 فیصد دے مقابلے اچ 0.85 فیصد ریکارڈ کیتی گی ۔ مشیر خزانہ آکھیا جوجاری مالی سال 2018-19ءدے پہلے 10مہیناں اچ ملکی کرنٹ اکاﺅنٹ خسارہ اچ 26.9 فیصد دی گھٹکی تھی ہے۔ اقتصادی جائزہ رپورٹ مالی سال 2018-19ءمطابق جاری مالی سال اچ جولائی توں اپریل دوران حسابات جاریہ دا خسارہ 11.586 ارب ڈالر رہیا ،جڈاں جوگزریل مالی سال دے ایں عرصے دوران ایہ خسارہ 15.864 ارب ڈالر رہیا ہا۔گزریل مالی سال دے مقابلے اچ جاری مالی سال دوران کرنٹ اکاﺅنٹ خسارے اچ 26.9 فیصد دی گھٹکی ریکارڈ کیتی گی ہے۔ رپورٹ مطابق کرنٹ اکاﺅنٹ خسارے اچ گھٹکی دی وڈی وجہ ترسیلات زر دی وصولیاں اچ ودھارا اتے ملک دے درآمدی بل اچ گھٹکی ہے۔ مشیر خزانہ آکھیا جو جاری مالی سال 2018-19ءاچ ملکی تجارتی خسارے اچ 7.9 فیصد دی گھٹکی تھی ہے۔ اقتصادی جائزہ رپورٹ مالی سال 2018-19ءمطابق جاری مالی سال اچ جولائی توں اپریل دے عرصہ دوران ملکی تجارتی خسارہ 23.93 ارب ڈالر تئیں گھٹ تھی گئے،جڈاں جو گزریل مالی سال دے ایں عرصہ دوران ملک دا مجموعی تجارتی خسارہ 25.81 ارب ڈالر ریکارڈ کیتا گیا ہا۔ ایں طرح گزریل مالی سال دے مقابلے اچ جاری مالی سال دوران تجارتی خسارے اچ تقریباً 8 فیصد گھٹکی ریکارڈ کیتی گی ہے.ایں موقع تے وفاقی وزیر بجلی تے پٹرولیم عمر ایوب خان آکھیا جو تیل تے گیس دے شعبہ اچ 40 نویں بلاکس نیلامی سانگے پیش کیتے ویسن، بجلی چوری روکنڑ سانگے آٹو میٹرنگ دا نظام متعارف کراوایا ویسی، ڈسٹری بیوشن دے شعبہ اچ 20 ارب ڈالر دی سرمایہ کاری دے مواقع موجود ہن، شمسی توانائی دے شعبہ اچ 4 ارب ڈالر دی سرمایہ کاری کیتی ونج جاسگدی ہے۔انہاں آکھیا جو رمضان شریف اچ بجلی دی لوڈ شیڈنگ نی کیتی گی، عیدالفطر دے موقع تے وزیراعظم عمران خان دی خصوصی ہدایت تے لوڈ شیڈنگ نی کیتی گی، گزریل ست مہیناں اچ بجلی دی مد اچ 91 ارب روپے توں ودھ دی وصولیاں کیتیاں گن ۔

مضمون کا ماخذ : loteria estadual