لاہور۔2 مارچ(اے پی پی )وفاقی وزیر ریلوے شیخ رشید احمدآکھیے جو دشمن کوں پاک فضائیہ دی طاقت دا چنگاں اندازہ تھی گئے،جارحیت نسے چاہندے بھل امن داجواب امن نال ہی ملنڑا چاہیدے،مودی اسلام دشمنی دی بیماری دا مظاہرہ کیتے اتے عمران خان مدبرانہ حکمت عملی ڈکھائی اے،پاکستان عسکری اتے سفارتی محاذاں تے کامیاب تھئے۔اے گالھ وفاقی وزیر ریلوے شیخ رشید احمدلاہور اچ ریلوے ہیڈ کوارٹرزاچ پریس کانفرنس کریندے آکھی اے۔انہاں آکھیے جو سنگین حالات اچ پاکستانی میڈیاذمہ داری دا ثبوت ڈتے جڈاں جو بھارتی میڈیا اپنڑے مقام توں ڈھے گئے،پورے جگ اچ بھارت دا تشخص ہک انتہا پسند ریاست دے طور تے سامنڑے آئے جڈاں جو پاکستان دا تشخص اچا تھئے۔ انہاں آکھیے جو ساڈا ہک ہک بال کشمیریاں دے نال کھڑے،جنگ دے ماحول اچ ساڈی سفارت کاری کامیاب رہی اے، پاکستان عسکری و سفارتی ڈوہیں محاذاں تے کامیاب رہے جڈاں جو بھارت کون ہر جاہ تے ناکامی دا منہ ڈیکھنڑا پئے جیکر جنگ تھئی تاں آخری ہوسی۔ انہاں آکھیے جو کشمیر دا مسلہ حل کیتے بغیر ڈوہان ملکاں دے مسلے نئیں مک سگدے۔انہاں آکھیے جو او آئی سی دے وزراءخارجہ دی کونسل دے اجلاس اچ نہ ونج تے پاکستان چنگاں فیصلہ کیتے ۔
دشمن کوں پاک فضائیہ دی طاقت دا چنگاں اندازہ تھی گئے، وزیر ریلوے شیخ رشید احمد
مضمون کا ماخذ : لوٹومینیا
متعلقہ مضامین
.jpg)
