چیئرمین سینیٹ دی اسلامی فوجی اتحاد دے کمانڈر ان چیف جنرل (ر) راحیل شریف نال ملاقات

CHAIRMAN SENATE, MUHAMMAD SADIQ SANJRANI EXCHANGING VIEWS WITH GENERAL RAHEEL SHARIF NI (M), (R), COMMANDER-IN-CHIEF ISLAMIC MILITARY ALLIANCE AGAINST TERRORISM, KINGDOM OF SAUDI ARABIA AND HIS DELEGATION AT PARLIAMENT HOUSE ISLAMABAD ON FEBRUARY 12, 2019.

اسلام آباد ۔ 12 فروری (اے پی پی) چیئرمین سینیٹ محمد صادق سنجرانی آکھیے جو اسلامی فوجی اتحاد دہشت گردی دے خلاف ہک مربوط پلیٹ فارم ہے، اے اتحاد کہیں خاص ریاست یا قوم دے خلاف کائنی بلکہ دہشت گردی دے خلاف جاری کوششاں کوں بیا منظم بناونڑ سانگے ہے، پاکستان خطے دی ترقی تے خوشحالی سانگے مسلیں دا پرامن حل چاہندے۔ اے گال انہاں منگل کوں دہشت گردی دے خلاف اسلامی فوجی اتحاد دے کمانڈر ان چیف جنرل (ر) راحیل شریف نال پارلیمنٹ ہاوس اچ ملاقات کریندیں۔ ملاقات اچ اہم بین الاقوامی امور تے گال مہاڑ تھئی ۔ایں موقع تے اراکین سینیٹ اتے اسلامی فوجی اتحاد دے وفد دے ارکان وی موجود ہن۔ چیئرمین سینیٹ آکھیا جو اسلامی فوجی اتحاد دہشت گردی دے خلاف ہک مربوط پلیٹ فارم ہے، پاکستان دہشت گردی اچ ڈھگ نقصان چاتے لیکن پاکستانی فوج ، عوام اتے بئے اداریاں رل مل تے دہشت گردی دے خلاف جنگ لڑی اتے کامیابی حاصل کیتی۔ انہاں آکھیا جوپاکستان کڈاہیں وی نی چاہندا جو کوئی وی ملک ایجھی صورتحال نا ل ڈوچار تھیوے، اے اتحاد کہیںخاص ریاست یا قوم دے خلاف کائنی ہے بلکہ دہشت گردی دے خلاف جاری کوششاں کوں منظم بناونڑ سانگے اے۔ انہاں آکھیا جودہشت گردی دے خلاف اسلامی فوجی اتحاد توں مسلم ملکاں دے علاوہ بئے ملک وی فائدے گھن سگدن ۔اتحاد دے قیام نال دنیا توں دہشت گردی مکاونڑ سانگے مدد ملسی، انہاں آکھیا جو اساکوں وڈی خوشی ہے جو ایں فوجی اتحاد دی قیادت پاکستان دے ریٹائرڈ جنرل راحیل شریف کر یندے پن ۔ ملاقات دوران جنرل (ر) راحیل شریف آکھیا جو اسلامی فوجی اتحاد دے قیام نال دہشت گردی دے خلاف عالمی کوششاں کوں تقویت ملی ہے، پاکستان ہمیشہ دہشت گردی دے خلاف فعال کردار ادا کریندا رہسے۔ انہاںآکھیے جو اسلامی فوجی اتحاد نہ صرف خطے بلکہ ساری دنیا اچ دہشت گردی کوں مکاونڑ اتے قیام امن سانگے جاری کوششاں کوں مربوط بنڑیسی۔

مضمون کا ماخذ : لوٹومینیا